ഹിറ്റ് ചിത്രങ്ങളുടെ സംവിധായകനായ ലാല്‍ ജോസ് മലയാളികള്‍ക്ക് പ്രിയപ്പെട്ട സംവിധായകനാണ് പക്ഷെ അദ്ദേഹത്തിന് ഏറ്റവും ക്ഷീണം വരുത്തിവെച്ച ചിത്രമായിരുന്നു മമ്മൂട്ടി അഭിനയിച്ച ‘പട്ടാളം’. ഒരുകൂട്ടം പട്ടാളക്കാരുടെ ജീവിതം നാട്ടിന്‍പുറത്തിന്റെ നര്‍മഭാവങ്ങളുമായി മിക്സ് ചെയ്തപ്പോള്‍ പ്രേക്ഷകര്‍ക്ക് അത് സഹിക്കാവുന്നതിനപ്പുറമുള്ള അരോചക സൃഷ്ടിയായിരുന്നു.
‘ഒരു മറവത്തൂര്‍ കനവ്’, ‘ചന്ദ്രനുദിക്കുന്ന ദിക്കില്‍’ തുടങ്ങിയ സിനിമകള്‍ സംവിധാനം ചെയ്ത ലാല്‍ ജോസിനു വലിയ ചീത്തപ്പേര് സമ്മാനിച്ച ചിത്രമായിരുന്നു ‘പട്ടാളം’.
ലാല്‍ ജോസിന്റെയും മമ്മൂട്ടിയുടെയും കരിയറിലെ ഏറ്റവും വലിയ പരാജയമായ പാട്ടാളം പ്രേക്ഷകര്‍ തിരസ്കരിക്കുകയായിരുന്നു.
ഏറ്റവും ചെലവ് കുറഞ്ഞ രീതിയില്‍ സിനിമ എടുക്കാനായി മലയാളത്തില്‍ ഒരു സംവിധായകന്‍ വന്നിരിക്കുന്നു എന്നതായിരുന്നു ലാല്‍ ജോസിനു മലയാളത്തില്‍ നിന്ന് ചാര്‍ത്തി കിട്ടിയ നല്ലപേര്. പക്ഷെ പാട്ടാളം സിനിമ പരാജയമായതോടെ തനിക്ക് ആ പേര് നഷ്ടപ്പെട്ടുവെന്നും ബിഗ്‌ബജറ്റില്‍ ഒരുക്കിയ പട്ടാളത്തിന്റെ പരാജയം തന്നില്‍ വലിയ നിരാശയുണ്ടാക്കിയെന്നും ഒരു അഭിമുഖ പരിപാടിയില്‍ സംസാരിക്കവേ ലാല്‍ ജോസ് പങ്കുവെച്ചു.
Post Your Comments