മലയാളത്തില്‍ ഏറ്റവും അധികം ആരാധകരുള്ള താരങ്ങളില്‍ ഒരാളാണ് മോഹന്‍ലാല്‍. ഈ താര ചക്രവര്‍ത്തിയ്ക്കായി 26വര്‍ഷക്കാലം കാത്തു സൂക്ഷിച്ച സമ്മാനം കൈമാറിയ സന്തോഷത്തിലാണ് ആരാധകന്‍ സഫീര്‍.
1992 ല്‍ മോഹന്‍ലാലിന് മികച്ച നടനുള്ള ആദ്യ ദേശീയ പുരസ്‌കാരം ലഭിച്ച വാര്‍ത്ത വന്ന മനോരമ പത്രമാണ് സഫീറെന്നൊരു ആരാധകന്‍ ഇത്രയും വര്‍ഷം സൂക്ഷിച്ച്‌ വെച്ചിരുന്നത്. അന്ന് പ്രീഡിഗ്രിക്ക് പഠിച്ചിരുന്ന താന്‍ കൗതുകത്തിന് വേണ്ടി എടുത്ത് വെച്ചിരുന്നതായിരുന്നു. ഇപ്പോള്‍ 26 വര്‍ഷങ്ങള്‍ കഴിഞ്ഞിരിക്കുകയാണ്. ”ഈ പേപ്പര്‍ ലാലേട്ടനെ കാണിക്കണമെന്നുള്ളത് തന്റെ ഏറെ നാളത്തെ ആഗ്രഹമായിരുന്നു. ഇന്ന് ലാലേട്ടന്‍ ആ പേപ്പര്‍ കണ്ടു. അത് പിടിച്ചു ഫോട്ടോ എടുത്തു. വളരെയധികം സന്തോഷമാണെന്നും” സഫീര്‍ പറയുന്നു.
മോഹന്‍ലാല്‍ ഫാന്‍സ് ക്ലബ്ബിന്റെ ഫേസ്ബുക്ക് പേജിലൂടെ പങ്കുവച്ച വീഡിയോ വൈറലായി മാറിയിരിക്കുകയാണ്.
Post Your Comments