ഒരുകാലത്ത് കൗമാര മനസ്സുകളെ പുളകം കൊള്ളിച്ച ബി ഗ്രേഡ് ചിത്രങ്ങളിലെ നായിക ഷക്കീല പ്രേക്ഷകരിലെ ആവേശമായി മാറാന്‍ ഒരിക്കല്‍ കൂടി തയ്യാറെടുക്കുകയാണ്. ഇത്തവണ പഴയ ബിറ്റ് സിനിമകളിലെ നായിക മുഖമായല്ല ഷക്കീലയുടെ വരവ്.
പൂര്‍ണ്ണമായും ഷക്കീലയുടെ ബയോപിക്കാണ് തന്റെ ചിത്രമെന്ന് വ്യക്തമാക്കുകയാണ് സംവിധായകന്‍ ഇന്ദ്രജിത്ത് ലങ്കേഷ്. ഷക്കീല എന്ന് പേരിട്ടിരിക്കുന്ന ഈ ബോളിവുഡ് ചിത്രത്തില്‍ റിച്ച ഛദ്ദയാണ് നായികായി അഭിനയിക്കുന്നത്.
ഷക്കീലയുടെ ജീവിത കഥ അത്ഭുതപ്പെടുത്തുന്ന ഒന്നാണെന്നും, അവരുടെ ചില ചെറിയ ചിത്രങ്ങള്‍ അഞ്ചു കോടിയോളം കളക്ഷന്‍ നേടിയിട്ടുണ്ടെന്നും സംവിധായകന്‍ ഇന്ദ്രജിത്ത് പറയുന്നു. 190ഓളം ചിത്രങ്ങളില്‍ ഒരു വര്‍ഷം ഷക്കീല അഭിനയിച്ചിട്ടുണ്ടെന്നും ഇന്ദ്രജിത്ത് വ്യക്തമാക്കുന്നു. ഷക്കീലയുടെ ബാല്യകാലം ഉള്‍പ്പടെ ഇപ്പോഴുള്ള ഇമേജ് ഷക്കീലയ്ക്ക് എങ്ങനെയുണ്ടായി എന്നും ചിത്രത്തില്‍ വിശദീകരിക്കുന്നുണ്ട്. ഒരു മാധ്യമത്തിനു നല്‍കിയ അഭിമുഖത്തിലായിരുന്നു തന്റെ പുതിയ ചിത്രമായ ഷക്കീലയെ കുറിച്ചുള്ള ഇന്ദ്രജിത്ത് ലങ്കേഷിന്‍റെ പ്രതികരണം.
Post Your Comments