തെന്നിന്ത്യയിലെ സൂപ്പര്‍ താരം അജിത് നടി ശ്രീദേവിക്ക് കൊടുത്ത വാക്ക് പാലിച്ചു. അകാലത്തില്‍ അന്തരിച്ച നടി ശ്രീദേവി ഇംഗ്ലീഷ് വിംഗ്ലീഷ് എന്ന ചിത്രത്തില്‍ അഭിനയിക്കുന്ന സമയത്ത് അജിത്തിനോട് തങ്ങളുടെ പ്രൊഡക്ഷന്‍ കമ്പനിയുമായി ചേര്‍ന്ന് ഒരു സിനിമ ചെയ്യണമെന്ന് ആവശ്യപ്പെട്ടിരുന്നു. അവസരം വരുമ്പോള്‍ അത് തീര്‍ച്ചയായും ചെയ്യാമെന്ന് അജിത്ത് ഉറപ്പും നല്‍കി.
ശ്രീദേവി വിട പറഞ്ഞെങ്കിലും നല്‍കിയ വാക്ക് പാലിക്കാന്‍ അജിത്ത് തയ്യാറായി. വിശ്വാസം എന്ന ചിത്രത്തിനു ശേഷം അജിത്ത് അഭിനയിക്കുന്നത് ബോളിവുഡ് നിര്‍മാതാവ് ബോണി കപൂര്‍ ഒരുക്കുന്ന ചിത്രത്തിലാണ്. എന്നാല്‍ അതുകാണാന്‍ ശ്രീദേവിയില്ല.
2012ല്‍ ഗൗരി ഷിന്‍ഡെ സംവിധാനം ചെയ്യ്ത ഇംഗ്ലീഷ് വിംഗ്ലീഷ് എന്ന ചിത്രത്തിലാണ് 15 വര്‍ഷത്തെ ഇടവേളയ്ക്ക് ശേഷം ശ്രീദേവി സിനിമാ ലോകത്തിലേക്ക് തിരിച്ചു വന്നത്. ആ ചിത്രത്തില്‍ അമിതാഭ് ബച്ചന്‍ ചെയ്ത റോളാണ് തമിഴ് പതിപ്പില്‍ ശ്രീദേവിക്കൊപ്പം അജിത്ത് ചെയ്തത്.
Post Your Comments