‘ഇന്ന് മമ്മൂട്ടി എന്ന് പറഞ്ഞാല്‍ നാളെ മോഹന്‍ലാല്‍ എന്ന് മറ്റൊരിടത്ത് മാറ്റി പറയും’ മിമിക്രി താരവും സംവിധായകനും നടനുമൊക്കെയായ രമേശ് പിഷാരടിയുടെ ഒരു ഉഗ്രന്‍ നര്‍മ സംഭാഷണമാണ് മുകളില്‍ പറഞ്ഞത്. അതിന്റെ സന്ദര്‍ഭം ഏറെ രസകരവും.
മോഹന്‍ലാല്‍ മമ്മൂട്ടി ഇവരില്‍ ഏറ്റവും മികച്ചതാരെന്ന ചോദ്യത്തിന് ഒരു എഫ്എം ചാനലിന്റെ അഭിമുഖത്തില്‍ ആശങ്കയില്ലാതെ താന്‍ ‘മമ്മൂട്ടി’, എന്ന് ഉത്തരം നല്‍കിയതായി രമേശ് പിഷാരടി പറയുന്നു, ‘അതെന്താ ഒട്ടും ആലോചിക്കാതെ അങ്ങനെയൊരു മറുപടി’ എന്ന് ആര്‍ജെ ചോദിച്ചപ്പോള്‍ രമേശ് പിഷാരടിയുടെ സ്വതസിന്ധമായ ശൈലിയില്‍ അദ്ദേഹം മറുപടിയും നല്‍കി,
ഇന്നലെ ഒരിടത്ത് മോഹന്‍ലാല്‍ എന്നാണ് പറഞ്ഞത്, നമ്മള്‍ ഇങ്ങനെ മാറ്റി മാറ്റി പറയും ഇതില്‍ നമുക്ക് എന്ത് നഷ്ടമാണ് ഉള്ളതെന്നും ചിരിയോടെ രമേശ് പിഷാരടി ചോദിക്കുന്നു.
ബഡായി ബംഗ്ലാവില്‍ മഞ്ജു വാര്യര്‍ അതിഥിയായി എത്തിയപ്പോഴായിരുന്നു രമേശ് പിഷാരടിയുടെ ഉഗ്രന്‍ കൗണ്ടര്‍, മഞ്ജുവിനോട് ഒരു ആരാധകന്‍ ഇതേ ചോദ്യം ആവര്‍ത്തിച്ചപ്പോള്‍ രണ്ടു പേര്‍ക്കും അവരുടെതായ കഴിവുകള്‍ ഉണ്ടെന്നും താന്‍ സിനിമയില്‍ നില്‍ക്കുന്നതിനാല്‍ അത്തരമൊരു തരംതിരിവ് നടത്താന്‍ സാധ്യമല്ലെന്നും മഞ്ജുവാര്യര്‍ വ്യക്തമാക്കിയിരുന്നു.
Post Your Comments