മോഹൻലാൽ ആരാധകരും പ്രേക്ഷകരും ഒരേപോലെ കാത്തിരിക്കുന്ന ചിത്രം ആണ് ലൂസിഫർ. യുവ സൂപ്പർതാരം പൃഥ്വിരാജ് ആണ് ചിത്രം സംവിധാനം ചെയ്യുന്നത്. കമ്മാരസംഭവം എന്ന ചിത്രത്തിന് ശേഷം മുരളി ഗോപി തിരക്കഥ ഒരുക്കുന്ന ചിത്രമാണ് ലൂസിഫർ എന്നതും ചിത്രത്തിന്റെ പ്രത്യേകതയാണ്. ചിത്രത്തിന്റെ ഷൂട്ടിംഗ് പുരോഗമിക്കുകയാണ്. ചിത്രത്തിന്റെ പുറത്തു വന്ന പോസ്റ്ററുകൾ എല്ലാം തരംഗം ആയി കഴിഞ്ഞു.
ഇപ്പോൾ വരുന്ന വിവരങ്ങൾ അനുസരിച്ച് മോഹൻലാൽ സ്റ്റീഫൻ നെടുമ്പള്ളി എന്ന രാഷ്ട്രീയക്കാരനായി എത്തും എന്നാണ് അറിയാൻ കഴിയുന്നത്. ഇന്ദ്രജിത്ത്, ടൊവിനോ, കലാഭാവന്‍ ഷാജോണ്‍, സുനില്‍ സുഗത, സായ് കുമാര്‍, മാലാ പാര്‍വതി തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നു. മഞ്ജു വാര്യരാണ് നായിക. വില്ലനായി വിവേക് ഒബ്റോയി അഭിനയിക്കും.
Post Your Comments