മോഹന്‍ലാല്‍- കമല്‍ കൂട്ടുകെട്ട് മലയാളത്തിനു നിരവധി മെഗാഹിറ്റുകള്‍ സമ്മാനിച്ച ടീമാണ്. ‘ഉണ്ണികളേ ഒരു കഥപറയാം’, ‘ഉള്ളടക്കം’ തുടങ്ങിയ നിരവധി സിനിമകള്‍ മലയാളികള്‍ക്ക് സമ്മാനിച്ച മോഹന്‍ലാല്‍-കമല്‍ കൂട്ടുകെട്ട് ‘അയാള്‍ കഥയെഴുതുകയാണ്’ എന്ന ചിത്രത്തിന് ശേഷം ഒരു സിനിമയ്ക്കായി ഒന്നിച്ചിട്ടില്ല. കമലിന്റെ ആദ്യ ചിത്രമായ മിഴിനീര്‍പൂവുകളിലും മോഹന്‍ലാല്‍ ആയിരുന്നു നായകനായി അഭിനയിച്ചത്.
‘മോഹന്‍ലാലുമായി സിനിമ ചെയ്യാത്തതിന് പിന്നില്‍ ഒരു കാരണവുമില്ലെന്നു വ്യക്തമാക്കുകയാണ് കമല്‍, എനിക്ക് മോഹന്‍ലാലിനോടോ മോഹന്‍ലാലിന് എന്നോടോ ഒരു വിരോധുമില്ല. ഇത്രയും വര്‍ഷത്തെ ഗ്യാപ്പ് വരുന്നത് എന്താണ് എന്ന് ചോദിച്ചാല്‍ അങ്ങനെ സ്വാഭാവികമായി സംഭവിച്ച് പോകുന്നതാണ്, മോഹന്‍ലാലിനെവെച്ച് ഇനിയും സിനിമ ചെയ്യണമെന്ന് ആഗ്രഹമുണ്ട്, അത് നടക്കുമ്പോള്‍ നടക്കട്ടെ’, ഒരു ചാനല്‍ പ്രോഗ്രാമിനിടെ കമല്‍ വ്യക്തമാക്കി.
Post Your Comments