കമലിന്റെ ശിഷ്യനായ ആഷിക് അബുവില്‍ നിന്ന് തന്നെ അങ്ങനെയൊരു ചോദ്യം കമല്‍ ഏതായാലും പ്രതീക്ഷിച്ചിട്ടുണ്ടാവില്ല. ദിലീപും,ലാല്‍ജോസും ഉള്‍പ്പടെയുള്ള വലിയ ഒരു ശിഷ്യഗണം തന്നെ കമലിനുണ്ട്. ഒരു അഭിമുഖ പരിപാടിയില്‍ അപ്രതീക്ഷിതമായാണ് ആഷിക് അബു കമലിനെ കുഴപ്പിക്കുന്ന ചോദ്യവുമായി എത്തിയത്, സാറിന്റെ ശിഷ്യന്മാരില്‍ ഏറ്റവും പ്രിയപ്പെട്ട ശിഷ്യന്‍ ആരാണെന്നായിരുന്നു കമലിനോടുള്ള ആഷിഖിന്റെ ചോദ്യം, തന്റെ പ്രിയ ശിഷ്യന്റെ ചോദ്യത്തിന് മുന്‍പില്‍ ആദ്യമൊന്നു പകച്ചെങ്കിലും വളരെ കൂളായി തന്നെ കമല്‍ അതിനു മറുപടി നല്‍കി.
തന്റെ സിനിമയുടെ തുടക്കം മുതല്‍ ഇപ്പോള്‍ വരെയും തന്റെ നിഴലായി പ്രവര്‍ത്തിക്കുന്ന സൂര്യന്‍ കുനിശ്ശേരി എന്ന അസോസിയേറ്റ് ഡയറക്ടറുടെ പേരാണ് അങ്ങനെ ചോദിച്ചാല്‍ പറയാന്‍ ആഗ്രഹിക്കുന്നതെന്നും, എന്റെ ചീത്ത ഏറ്റവും കൂടുതല്‍ കേട്ട വ്യക്തി സൂര്യനായത് കൊണ്ട് മറ്റു ശിഷ്യന്മാരുടെ അനുവാദത്തോടെ താന്‍ സൂര്യന്‍ കുനിശ്ശേരിയുടെ പേര് പറയുകയാണെന്നും കമല്‍ വ്യക്തമാക്കുന്നു.
കമലിന്റെ എല്ലാ ചിത്രങ്ങളിലും അസോസിയേറ്റായും, സഹ സംവിധായകനായും പ്രവര്‍ത്തിച്ച സൂര്യന്‍ കുനിശ്ശേരി ഇതുവരെയും സ്വതന്ത്രമായി സിനിമ സംവിധാനം ചെയ്തിട്ടില്ല.
Post Your Comments