ബിഗ് ബോസില്‍ വീണ്ടും പ്രശ്നങ്ങള്‍ സൃഷ്ടിച്ചു നടി ഹിമ ശങ്കര്‍. ആദ്യം ഷോയില്‍ നിന്നും പുറത്തായ ഹിമ തന്റെ രംടാം വരവില്‍ ശക്തമായി മുന്നേറുകയാണ്. എന്നാല്‍ അനാവശ്യ കാര്യങ്ങളില്‍ ഇടപെട്ടു പ്രശ്നങ്ങള്‍ കൂടുതല്‍ വഷളാക്കുകയാണ് ഹിമ എന്ന് പരാതി.
കഴിഞ്ഞ ദിവസം ഷോയില്‍ മറ്റു മത്സരാര്‍ത്ഥികളായ ഷിയാസ് ബഷീറ്‍ അനൂപ് എന്നിവരുടെ വഴക്കിന്റെ ചുവട് പിടിച്ചെത്തിയ ഹിമ പ്രശ്നം കൂടുതല്‍ സങ്കീര്‍ണ്ണമാക്കി. ഹിമയുടെ ഇടപെടല്‍ ബഷീറിനെ കൂടുതല്‍ ദേഷ്യത്തിലാക്കുകയായിരുന്നു. ഇതിനെ തുടര്‍ന്ന് ബഷീറും ഹിമയും തമ്മില്‍ വഴക്ക് ആരംഭിക്കുകയും ഹിമയ്ക്കെതിരെ ബഷീര്‍ എത്തുകയും ചെയ്തു. ഹിമ കാണിക്കുന്നത് അഭിനയമാണെന്ന് ബഷീര്‍ ആരോപിച്ചിരുന്നു. വഴക്ക് വലിയ രീതിയിലേയ്ക്ക് മാറുകയും ഹിമ ബഷീറിന് നേരം പാഞ്ഞ് അടുക്കുകയായിരുന്നു.
എന്നാല്‍ ഹിമയുമായുള്ള വഴക്കിനു ശേഷം ബഷീര്‍ പരാതിയുമായി ബിഗ് ബോസ് ക്യാമറയുടെ മുന്നില്‍ എത്തി . ഹിമ തന്റെ നേര്‍ക്ക് കത്തി ചൂണ്ടിയെന്നും ഇതിന് മുന്‍പും ഹിമ തനിയ്ക്ക് നേരെ കത്തി പ്രയോഗിച്ചിട്ടുണ്ടെന്നും ബഷീര്‍ പരാതി പറഞ്ഞു. ബഷീറിന്റെ പരാതിയെ രഞ്ജിനിയും സാബുവും സുരേഷും പിന്തുണച്ചു.
Post Your Comments