ബാലതാരമായി സിനിമയിലേയ്ക്ക് എത്തിയ കീര്‍ത്തി സുരേഷ് ഇപ്പോള്‍ തെന്നിന്ത്യയിലെ തിരക്കുള്ള നായികമാരില്‍ ഒരാളാണ്. കൈനിറയെ അവസരങ്ങളാണ് കീര്‍ത്തിയ്ക്ക്. തന്റെ ചിത്രങ്ങളിലെ അണിയറ പ്രവര്‍ത്തകര്‍ക്ക് സ്വര്‍ണ നാണയം സമ്മാനമായി നല്‍കുന്ന പതിവ് നടന്‍ വിജയ് പാലിക്കാറുണ്ട്. അതിനോടൊപ്പം ചിത്രം വിജയമാകുമ്പോള്‍ സംവിധായകന് സമ്മാനവും കൊടുക്കാറുണ്ട്. കീര്‍ത്തി നായികയായ ഭൈരവ എന്ന ചിത്രത്തിലും വിജയ് അണിയറ പ്രവര്‍ത്തകര്‍ക്ക് സ്വര്‍ണം സമ്മാനമായി നല്‍കിയിരുന്നു. കീര്‍ത്തിക്ക് സ്വര്‍ണ ചെയിനായിരുന്നു സമ്മാനമായി നല്‍കിയത്. വിജയ്‌യുടെ പതിവ് കീര്‍ത്തി ശണ്ടക്കോഴി 2വിലും തുടര്‍ന്നു. അണിയറപ്രവര്‍ത്തകര്‍ക്ക് സ്വര്‍ണ്ണ നാണയം സമ്മാനമായി കീര്‍ത്തി നല്‍കി. ഇതിന് പിന്നാലെയാണ് വിശാലും ലിംഗുസ്വാമിയും അണിയറ പ്രവര്‍ത്തകര്‍ക്ക് സ്വര്‍ണ നാണയം സമ്മാനിച്ചിരിക്കുന്നത്.
ശണ്ടക്കോഴി 2വില്‍ കീര്‍ത്തി സുരേഷിനെ കൂടാതെ വരലക്ഷ്മി ശരത്കുമാര്‍, സൂരി, അങ്കമാലി ഡയറീസ് താരം അപ്പാനി ശരത്കുമാര്‍ എന്നിവരും പ്രധാന വേഷങ്ങളില്‍ എത്തുന്നു.
Post Your Comments