മോഹന്‍ലാലിനെ നായകനാക്കി റോഷന്‍ ആന്‍ഡ്രൂസ് സംവിധാനം ചെയ്ത ചിത്രമാണ് ഉദയനാണ് താരം. സൂപ്പര്‍ താരങ്ങളെ വിമര്‍ശിക്കുന്നു എന്നും പറഞ്ഞു ആ ചിത്രത്തിനെതിരെ വലിയ വിമര്‍ശനം ഉണ്ടായിരുന്നു. ഈ വിവാദങ്ങളെക്കുറിച്ച് ഒരു അഭിമുഖത്തില്‍ സംവിധായകന്‍ റോഷന്‍ പറയുന്നു.
”ഉദയനാണ് താരം എന്ന ചിത്രത്തില്‍ അഭിനയിച്ചവരെ പറ്റിയാണ് പറയുന്നതെന്ന് പല അഭിപ്രായങ്ങള്‍ ഇന്നുമുണ്ട്. ശരിക്കും അങ്ങനെ ഒരു സംഭവമില്ല. കാരണം തിരക്കഥ വായിച്ചത് മോഹന്‍ലാലാണ്. ലാലേട്ടന് വേണമെങ്കില്‍ ആ സിനിമ വേണ്ടെന്ന് വെക്കാമായിരുന്നു. മോഹന്‍ലാല്‍ എന്ന വ്യക്തിയെ കുറിച്ച് അതില്‍ പറഞ്ഞിട്ടൊന്നുമില്ല. ആന്റണി ചേട്ടനെ പറ്റിയും പറഞ്ഞിട്ടില്ല. ആള്‍ക്കാല്‍ പറഞ്ഞുണ്ടാക്കിയതില്‍ നിന്നായിരിക്കും അങ്ങനെ തോന്നിയതെന്നും റോഷന്‍ പറയുന്നു. ”
ശ്രീനിവാസന്‍ അവതരിപ്പിച്ച സരോജ് കുമാര്‍ മമ്മൂട്ടിയെ കളിയാക്കുന്നതാണെന്നായിരുന്നു മറ്റൊരു വിമര്‍ശനം. സണ്‍ഗ്ലാസിനെ പറ്റി പറഞ്ഞതായിരുന്നു അതിനു കാരണം. എന്നാല്‍ ഒരു വ്യക്തിയെയും കളിയാക്കുന്നതല്ല. മുഴുവന്‍ ആളുകളുടെയും മിശ്രിതമായിട്ടാണ് സരോജ് കുമാറിനെ അവതരിപ്പിച്ചിരിക്കുന്നതെന്നും റോഷന്‍ പറയുന്നു.
Post Your Comments