കേരളത്തെ വിഴുങ്ങിയ പ്രളയക്കെടുതിയിൽ നിന്നും പതിയെ കരകയറുകയാണ് മലയാളികൾ. ലോകത്ത് പല ആൾക്കാരും കേരളത്തെ കുറിച്ചുള്ള ആശങ്ക പങ്ക് വച്ചിരുന്നു. ഇപ്പോൾ തന്റെ ആശങ്ക വെളിപ്പെടുത്തി മുന്നോട്ട് വന്നിരിക്കുകയാണ് ഹോളിവുഡ് സൂപ്പർതാരവും ഓസ്കാർ ജേതാവും പരിസ്ഥിതി പ്രവർത്തകനുമായ ഡികാപ്രിയോ. ദി ന്യൂയോർക്ക് ടൈംസ് വിശദമായി കേരളത്തെ വിഴുങ്ങിയ പ്രളയത്തെ കുറിച്ച് റിപ്പോർട്ട് ചെയ്തിരുന്നു. ഇതുവഴിയാണ് ഡികാപ്രിയോ കേരളത്തിന്റെ അവസ്ഥ മനസിലാക്കുന്നത്.
ദി ന്യൂയോർക്ക് ടൈംസിന്റെ വാർത്ത ഡികാപ്രിയോ റീട്വീറ്റ് ചെയ്തിരുന്നു. കാലാവസ്ഥ വ്യതിയാനത്തെക്കുറിച്ച് ഒരു ഡോക്യുമെന്ററി തയ്യാറാക്കുന്നതിന്റെ ഭാഗമായി ഡികാപ്രിയോ ഇന്ത്യ സന്ദര്‍ശിച്ചിരുന്നു. പരിസ്ഥതി സംരക്ഷണത്തിന് കുറിച്ച് ബോധവത്കരിക്കാനും അന്താരാഷ്ട്രതലത്തില്‍ നടക്കുന്ന പ്രൊജക്ടുകളെ എകീകരിക്കാനും ദി ലിയനാര്‍ഡോ ഡികാപ്രിയോ ഫൗണ്ടേഷന്‍ എന്ന സംരംഭവും നടന്‍ സ്ഥാപിച്ചിട്ടുണ്ട്.
Post Your Comments