സിനിമാ മേഖലയിലെ നിരവധി താരങ്ങൾ പ്രളയ ബാധിതകർക്ക് സഹായവുമായി എത്തിയിരുന്നു. എന്നാൽ ബോളിവുഡിലെ യുവതാരമായ സുശാന്ത് സിംഗ് വളരെ വ്യത്യസ്തമായിട്ടാണ് കേരള ജനതയെ സഹായിച്ചത്. തന്റെ ആരാധകനിലൂടെയാണ് സുശാന്ത് സഹായം കേരളത്തിലെത്തിച്ചത്.
കേരളത്തിൽ ഉണ്ടായ പ്രളയത്തില്‍ ദുരിതം അനുഭവിക്കുന്നവരെ സഹായിക്കാന്‍ ആഗ്രഹമുണ്ടായിട്ടും അതിന് പണമില്ലെന്ന് സുശാന്തിന്റെ ആരാധകൻ പരിതപിച്ചിരുന്നു. സുബ്രഹ്മണ്യന്‍ എന്ന യുവാവാണ് തന്റെ അവസ്ഥ സുശാന്ത് സിംഗിനെ ട്വിറ്ററിലൂടെ അറിയിച്ചത്. എന്നാല്‍ അതിന് സുശാന്ത് നല്‍കിയ മറുപടിയാണ് സുബ്രഹ്മണ്യനെ ഞെട്ടിച്ചത്.
Read also:പ്രളയബാധിതർക്ക് വസ്ത്രങ്ങളുമായി ജയറാമും മകളുമെത്തി
‘ഞാൻ നിങ്ങൾക്ക് ഒരു കോടി രൂപ സംഭാവന നൽകും. ഈ തുക ദുരിതാശ്വാസ ഫണ്ടില്‍ എത്തുന്നുവെന്ന് ഉറപ്പാക്കിയ ശേഷം അക്കാര്യം നിങ്ങള്‍ എന്നെ അറിയിക്കണം’ എന്ന് സുശാന്ത് വ്യക്തമാക്കി . ഇതിന് തൊട്ടു പിന്നാലെ സുശാന്ത് പണം സുബ്രഹ്മണ്യന്റെ പേരില്‍ നിക്ഷേപിക്കുകയും ചെയ്തു. ഈ തുക മുഖ്യമന്ത്രിയുടെ ദുരിതാശ്വാസ ഫണ്ടിലേക്ക് ഓണ്‍ലൈന്‍ വഴി മാറ്റിയ ശേഷം പണം നല്‍കിയ അക്കൗണ്ട് വിവരങ്ങള്‍ അടക്കം സുശാന്തിന് സ്ക്രീന്‍ ഷോട്ട് അയയ്ക്കുകയും ചെയ്തു. ഇതെല്ലാം കണ്ടു അമ്പരന്നിരിക്കുകയാണ് സുശാന്തിന്റെ മറ്റ് ആരാധകർ.
Post Your Comments