ബാലതാരമായി മലയാളത്തില്‍ എത്തിയ താരമാണ് അനു ഇമ്മാനുവല്‍. ജയറാം ചിത്രമായ സ്വപ്ന സന്ചാരിയിലൂടെ മലയാളത്തിലെത്തിയ അനു ആക്ഷൻ ഹീറോ ബിജു എന്ന നിവിന്‍ പൊളി ചിത്രത്തിലൂടെ നായികയായി അരങ്ങേറ്റവും കുറിച്ചു. എന്നാല്‍ ചിത്രം വലിയ വിജയമായെങ്കിലും നായിക ശ്രദ്ധിക്കപ്പെട്ടില്ല. പ്രാധാന്യം ഒന്നുമില്ലാത്ത ഒരു കഥാപാത്രം ആയത് കൊണ്ട് തന്നെ അനുവിന് മലയാള സിനിമയില്‍ സ്ഥാനം നേടാന്‍ കഴിഞ്ഞില്ല. അതോടെ തെലുങ്കില്‍ താരമാകാനായിരുന്നു അനുവിന്റെ ശ്രമം.
ബിഗ്‌ ബഡ്ജറ്റ് ചിത്രങ്ങളുടെ ഭാഗമായി തെലുങ്കില്‍ ശ്രദ്ധിക്കപ്പെടാന്‍ ശ്രമിച്ചു. മഞ്ജ്നു എന്ന ചിത്രത്തിലൂടെയാണ് അനു ഇമ്മാനുവൽ തെലുങ്കിലേക്ക് പ്രവേശിച്ചത്. ആ ചിത്രം ശ്രദ്ധിക്കപ്പെട്ടതോടെ തുടർച്ചയായി തെലുങ്കിൽ അവസരങ്ങൾ ലഭിച്ചു. കിട്ടു ഉന്നട ജഗർത ഓക്സിജൻ തുടങ്ങിയ ചിത്രങ്ങൾ വൻ പരാജായമായി. എന്നാല്‍ അനുവിന് വീണ്ടും മികച്ച അവസരങ്ങൾ തെലുങ്കില്‍ കിട്ടി. അഗ്നാതവാസി, നാ പേരു സൂര്യ പോലുള്ള ചിത്രങ്ങളിൽ സൂപ്പർതാരങ്ങൾക്കൊപ്പം അഭിനയിച്ചു. എന്നാല്‍ ഇപ്പോള്‍ തമിഴകത്തും ശ്രദ്ധിക്കപ്പെടാന്‍ ഒരുങ്ങുകയാണ് താരം.
തുപ്പരിവാളൻ എന്ന ചിത്രത്തിലൂടെയാണ് അനു ഇമ്മാനുവൽ തമിഴ് സിനിമാ ലോകത്തേക്ക് കടന്നത്. ഇപ്പോഴിതാ വിജയ് സേതുപതി നായകനാകുന്ന ചിത്രത്തിലും അനുവാകും നായികയെന്ന് റിപ്പോര്‍ട്ടുകള്‍. പക്ഷെ ചിത്രത്തിനെ കഥ കേട്ടു എന്നല്ലാതെ താരം കരാറൊപ്പുവച്ചിട്ടില്ലയെന്നും സൂചന.
Post Your Comments