ചില സംവിധായകര്‍ സൂപ്പര്‍താരങ്ങളെ മനസ്സില്‍ കണ്ടാണ്‌ ചിത്രങ്ങള്‍ എടുക്കുന്നത്. തിരക്കഥാകൃത്തുക്കളും അങ്ങനെയാണ് കഥകള്‍ ഒരുക്കുന്നത്. എന്നാല്‍ അത്തരം ഒരു സൂപ്പര്‍ താരമായി വളരുന്നതിന് മുന്പ് തന്നെ ചില വേഷങ്ങള്‍ മോഹന്‍ലാലിനു വേണ്ടി എഴുതപ്പെട്ടിരുന്നു. മിമിക്രികലാകാരനായിരുന്ന ആലപ്പി ഷരീഫ് പ്രേം നസീറിനെ നായകനാക്കി സംവിധാനം ചെയ്ത ചിത്രമായിരുന്നു ഒരു മാടപ്രാവിന്റെ കഥ. മമ്മൂട്ടി , ശങ്കരാടി , ഭീമന്‍ രഘു ,മണിയന്‍പിള്ള രാജു തുടങ്ങിയവരും ചിത്രത്തില്‍ അഭിനയിച്ചിരുന്നു.
1983ല്‍ പുറത്തുവന്ന ഈ ചിത്രത്തില്‍ ഭീമന്‍ രഘു വരാന്‍ കാരണം മോഹന്‍ലാല്‍. ഒരു മാടപ്രാവിന്റെ കഥയില്‍ മോഹന്‍ലാലിനു വേണ്ടി മാറ്റിവെച്ച വേഷമായിരുന്നു ഭീമന്‍രഘു ചെയ്തത് . വില്ലനായി പേരെടുത്ത് സഹനായക റോളിലേക്ക് മോഹന്‍ലാല്‍ ചുവടുമാറ്റം നടത്തുന്ന 1983ലാണ് ഒരു മാടപ്രാവിന്റെ കഥയിലേക്ക് ക്ഷണം വരുന്നത് . എന്നാല്‍ മൂന്നു വര്ഷം കൊണ്ട് തിരക്കുള്ള താരമായി മാറിയ മോഹന്‍ലാല്‍ മറ്റു ചിത്രങ്ങള്‍ കരാര്‍ ആയതിനെ തുടര്‍ന്ന് ഒരു മാടപ്രാവിന്റെ കഥ ഒഴിവാക്കി. ആ വേഷത്തിലേയ്ക്കാണ് ഭീമന്‍ രഘു എത്തിപെട്ടത്. 1983ല്‍ മോഹന്‍ലാല്‍ അഭിനയിച്ച 27ഓളം ചിത്രങ്ങള്‍ റിലീസ് ചെയ്തിരുന്നു.
Post Your Comments