കേരളത്തിനു വേണ്ടി ഖുശ്ബുവും

കനത്ത മഴയിലും പ്രളയത്തിലും ദുരിതം അനുഭവിക്കുന്ന കേരളത്തിലെ ജനങ്ങളെ സഹായിക്കണമെന്ന് ആവശ്യപ്പെട്ട് ബോളിവുഡ് കോളിവുഡ് താരങ്ങള്‍ രംഗത്ത് എത്തിയതിനു പിന്നാലെ നടി ഖുശ്ബുവും. തന്റെ ട്വിറ്റര്‍ പേജിലൂടെയാണ് കേരള ജനതയെ സഹായിക്കണമെന്ന് ആവശ്യപ്പെട്ട് ഖുശ്ബു രംഗത്തെത്തിയിരിക്കുന്നത്. ദുരിതത്തില്‍ കഷ്ടപ്പെടുന്ന കേരളത്തെ നാം സഹായിച്ചില്ലെങ്കില്‍ മനുഷ്യര്‍ എന്ന നിലയില്‍ തോറ്റുപോകുമെന്ന് ഖുശ്ബു ട്വിറ്ററില്‍ കുറിച്ചു.

ഖുശ്ബുവിന്റെ വാക്കുകള്‍ ഇങ്ങനെ…”ഈയൊരു സാഹചര്യത്തില്‍ കേരളത്തിനൊപ്പം നിന്നില്ലെങ്കില്‍ അടിസ്ഥാനപരമായ മാനുഷിക മൂല്ല്യങ്ങളും വളര്‍ച്ചയുളള മനുഷ്യരെന്ന നിലയിലും നാം പൂര്‍ണ പരാജയമാകും. നമ്മെ കേരളത്തിന് ആവശ്യമുണ്ട്. ചെറിയ ചെറിയ തുളളികളാണ് സമുദ്രമായി മാറുന്നത്. എല്ലാവരും തങ്ങളാല്‍ കഴിയുന്ന സഹായങ്ങള്‍ ചെയ്യണം. ഇച്ഛാശക്തിയുണ്ടെങ്കില്‍ എന്തിനും ഒരു വഴിതെളിയും, ഖുശ്ബു ട്വിറ്ററില്‍ കുറിച്ചു.