മഴക്കെടുതി;സധൈര്യം രചന നാരായണൻ കുട്ടി, വീട്ടിലെ അവസ്ഥയെക്കുറിച്ച് താരം

സധൈര്യം രചന നാരായണൻ കുട്ടി; മഴക്കെടുതിയിലെ വീട്ടിലെ അവസ്ഥയെക്കുറിച്ച് താരം

കേരളം ഏറ്റവും വലിയ പേമാരി ദുരന്തം നേരിടുമ്പോൾ എല്ലാ സഹായ സഹകരണങ്ങളും വാഗ്ദാനം ചെയ്തു പ്രമുഖർ, ദുരന്തത്തിൽ ദുരിതമനുഭവിക്കുന്നവർക്ക് തല ചായ്ക്കാൻ ഇടം നൽകാമെന്ന് നടി രചന നാരായണൻ കുട്ടി തൻറെ ഫേസ് ബുക്ക് പേജിലൂടെ അറിയിച്ചു.

രചനയുടെ ഫേസ്ബുക്ക് പോസ്റ്റ്

സുഹൃത്തുക്കളെ തൃശ്ശൂരിലെ അത്താണിക്കടുത്ത് മിണാലൂർ എന്ന സ്ഥലത്താണ് ഞാൻ താമസം.ഉരുൾപൊട്ടൽ ഉണ്ടായ കുറഞ്ചേരിക്കടുത്താണ് ഈ സ്ഥലമെങ്കിലും എന്റെ വീട്ടിലും പരിസര പ്രദേശങ്ങളിലും വെള്ളം കയറാൻ സാധ്യതയില്ലാത്ത സ്ഥലമാണെന്ന് വിശ്വസിക്കുന്നു.എന്റെ വീട്ടിൽ ഏകദേശം 10 15 പേർക്കോളം മിതമായ സൗകര്യത്തിൽ താമസിക്കാൻ സാധിക്കുന്നതാണ് അത്യാവശ്യ സാഹചര്യത്തിൽ നിങ്ങൾക്ക് ഇവിടേക്ക് വരാവുന്നതാണ്.. സന്തോഷത്തോടെ സ്വാഗതം.ഈ വീട്ടിലെ സൗകര്യം നിങ്ങളുടെത് കൂടിയാണ്. ഈ സന്ദേശത്തെ ദുരുപയോഗം ചെയ്യില്ലാ എന്നും വിശ്വസിക്കുന്നു..

സസ്നേഹം
രചന നാരായണൻകുട്ടി
പണിക്കത്ത് വീട്
മിണാലൂർ പോസ്റ്റ്
എംജി കാവ് വഴി തൃശ്ശൂർ