വില്ലന്‍ സഹനടന്‍ വേഷങ്ങളിലൂടെ മലയാള സിനിമയിലേയ്ക്ക് കടന്നു വരുകയും കഴിഞ്ഞ നാല്പതു വര്‍ഷമായി മലയാളികളുടെ ഇഷ്ടതാരമായി മാറുകയും ചെയ്ത നടനാണ്‌ മോഹന്‍ലാല്‍. വില്ലന്‍ വേഷങ്ങളില്‍ മാത്രം ആദ്യകാലങ്ങളില്‍ ഒതുങ്ങിയ മോഹന്‍ലാലിനെ നായകനാക്കി സംവിധായകന്‍ ഭദ്രന്‍ ഒരു ചിത്രം സംവിധാനം ചെയാന്‍ ആഗ്രഹിച്ചു. ചങ്ങാത്തം എന്ന് പേരിട്ട ചിത്രത്തിലെ ടോണി എന്ന കഥാപാത്രം മോഹന്‍ലാലിനു ബ്രേക്ക്‌ നല്‍കുമെന്ന് ഭദ്രന്‍ വിശ്വസിക്കുകയും ചെയ്തു. എന്നാല്‍ സംഭവിച്ചത് മറ്റൊന്ന്!!
കഥ കേട്ട നിര്‍മ്മാതാവ് നായകന്‍റെ കാര്യത്തില്‍ സംവിധായകന്‍ ഭദ്രനുമായി തര്‍ക്കത്തിലായി. മോഹന്‍ലാല്‍ അല്ല മമ്മൂട്ടിയ്ക്കാണ് ഈ കഥാപാത്രം ചെരുന്നതെന്നും അതുകൊണ്ട് മമ്മൂട്ടി ചിത്രത്തില്‍ നായകനാക്കാം എന്നും നിര്‍മ്മാതാവ് അഭിപ്രായപ്പെട്ടു. ഒടുവില്‍ തര്‍ക്കം പ്രശസ്ത നടി ഷീല യുടെ മുന്നിലെത്തി. കഥ കേട്ട് കഴിഞ്ഞ ഷീലയും ചോദിച്ചത് അത് തന്നെ ….. ”ഇത് മോഹന്‍ലാലിനേക്കാള്‍ മമ്മൂട്ടിക്കല്ലേ ഭദ്രാ കൂടുതല്‍ ഇണങ്ങുക” . ഒടുവില്‍ ഭദ്രനും മനസ്സുകൊണ്ട് മമ്മൂട്ടിയെ അംഗീകരിച്ചു . അങ്ങനെ മോഹന്‍ലാല്‍ അവതരിപ്പിക്കേണ്ട നായക വേഷം മമ്മൂട്ടിയിലെയ്ക്ക്..
1983ല്‍ സൂപ്പര്‍ ഹിറ്റായി മാറിയ ചങ്ങാത്തത്തില്‍ മാധവി, ജഗതി ശ്രീകുമാര്‍, ക്യാപ്റ്റന്‍ രാജു തുടങ്ങിയവരും പ്രധാന വേഷത്തില്‍ അഭിനയിച്ചു. ചിത്രത്തില്‍ അതിഥി വേഷത്തില്‍ മോഹന്‍ലാലും പ്രത്യക്ഷപെട്ടു
Post Your Comments