കേരളത്തില്‍ ശക്തമായ പ്രളയത്തില്‍ വീട്ടില്‍ കഴുത്തറ്റം വെള്ളമാണെന്നും അമ്മയും ഭാര്യയും മക്കളുമടങ്ങുന്ന കുടുംബാംഗങ്ങള്‍ കുടുങ്ങിക്കിടക്കുകയാണെന്നും രക്ഷിക്കണമെന്നും അഭ്യര്‍ഥിക്കുന്ന നടന്‍ ധര്‍മ്മജന്റെ വോയിസ് ക്ലിപ്പ് സമൂഹ മാധ്യമങ്ങളില്‍ കഴിഞ്ഞ ദിവസം പ്രചരിച്ചിരുന്നു. പോലീസ് കണ്‍ട്രോള്‍ റൂമില്‍ വിളിച്ചിട്ടു പ്രതികരിക്കുന്നില്ല. രണ്ടു നില വീടാണെന്ന് പറഞ്ഞിട്ട് കാര്യമില്ല. എല്ലാവരും ഇതു പരമാവധി ഷെയര്‍ ചെയ്ത് രക്ഷിക്കണമെന്നും താരം അഭ്യര്‍ഥിച്ചിരുന്നു.
എന്നാല്‍ ഇപ്പോള്‍ താനും കുടുംബവും സുരക്ഷിതരായി ഇരിക്കുന്നുവെന്നു വ്യക്തമാക്കി രംഗത്ത് എത്തിയിരിക്കുകയാണ് താരം. ‘വഞ്ചിയിലാണ് എന്നെയും കുടുംബത്തെയും രക്ഷപ്പെടുത്തിയത്. ‘ഇപ്പോള്‍ സുരക്ഷിതനാണ്. ഭാര്യയുടെ വീട്ടിലാണ് ഇപ്പോള്‍ എത്തിച്ചേര്‍ന്നിരിക്കുന്നത്. എന്നെ സഹായിച്ച എല്ലാവര്ക്കും നന്ദി- ധര്‍മ്മജന്‍ പറയുന്നു.
Post Your Comments