ജയം രവി നായകനായി അടുത്തിടെ പുറത്തു ഇറങ്ങിയ “ടിക് ടിക് ടിക്” ആയിരുന്നു ഇന്ത്യയിലെ ആദ്യ സ്പേസ് മൂവി. പക്ഷെ ചിത്രം വേണ്ടത്ര വിവര ശേഖരണമോ, സാധാരണ തമിഴ് പടങ്ങളിൽ കാണുന്ന മസാലയും എല്ലാം ചേർത്ത് നശിപ്പിച്ചു എന്നാണ് പൊതുവെ ഉള്ള നിഗമനം. ഇപ്പോൾ തെലുങ്കിൽ ഒരുങ്ങുന്ന സ്പേസ് മൂവിയുടെ പോസ്റ്റർ പുറത്തിറങ്ങിയിരിക്കുകയാണ്. സങ്കൽപ് റെഡ്‌ഡി സംവിധാനം ചെയ്യുന്ന ചിത്രത്തിൽ വരുൺ തേജ് ആണ് നായകൻ.
‘അന്തരീക്ഷം 9000 കെഎംപിഎച്’ എന്നാണ് ചിത്രത്തിന് പേരിട്ടിരിക്കുന്നത്. വരുണിനു പുറമെ അദിതി റാവു, ലാവണ്യ എന്നിവരും ചിത്രത്തിൽ പ്രധാന വേഷത്തിൽ അഭിനയിക്കുന്നു. ചിത്രത്തെ കുറിച്ചുള്ള കൂടുതൽ വിവരങ്ങൾ ഒന്നും പുറത്തു വിട്ടിട്ടില്ല. ഈ വരുന്ന ഡിസംബർ 21 നാണു ചിത്രം തീയേറ്ററുകളിൽ എത്തുക. ഗാസി അറ്റാക്ക് എന്ന ഒറ്റ ചിത്രം കൊണ്ട് പ്രേക്ഷകരുടെ പ്രിയങ്കരനായ സംവിധായൻ ആണ് സങ്കൽപ് റെഡ്‌ഡി.
Post Your Comments