സിംപ്ലിസിറ്റിയാണ് അജിത് എന്ന നടനെ കോളിവുഡിന്‍റെ സൂപ്പര്‍ ഹീറോയാക്കുന്നത്, എല്ലാവരോടും വളരെ സൗമ്യനായി ഇടപഴകുന്ന അജിത്ത് മറ്റു പല താരങ്ങള്‍ക്കും ഒരു റോള്‍ മോഡലാണ്. അന്തരിച്ച നടി ശ്രീദേവിക്ക് നല്‍കിയ വാക്ക് തെറ്റിക്കാതെ വീണ്ടും ആരാധകരുടെ മനം കവര്‍ന്നിരിക്കുകയാണ് സൂപ്പര്‍ താരം.
ബോണി കപൂര്‍ നിര്‍മ്മിക്കുന്ന പുതിയ ചിത്രത്തില്‍ അജിത്ത് അഭിനയിക്കുമെന്നാണ് പുതിയ റിപ്പോര്‍ട്ട്. വിനോദ് സംവിധാനം ചെയ്യുന്ന ചിത്രത്തില്‍ മറ്റു പ്രമുഖ താരങ്ങളുമുണ്ടാകും. ശ്രീദേവിയുടെ ജന്മദിനത്തിലാണ് അജിത്ത് ബോണി കപൂര്‍ നിര്‍മ്മിക്കുന്ന ചിത്രത്തില്‍ അഭിനയിക്കുമെന്ന പ്രഖ്യാപനം വന്നത്. നേരത്തെ ‘ഇംഗ്ലീഷ് വിംഗ്ലീഷ്’ എന്ന ചിത്രത്തില്‍ അഭിനയിക്കുമ്പോള്‍ അജിത്ത് ശ്രീദേവിക്ക് നല്‍കിയ വാക്കായിരുന്നു ഇതെന്നും പറയപ്പെടുന്നു. ‘ഇംഗ്ലീഷ് വിംഗ്ലീഷ്’ എന്ന ചിത്രത്തിന്റെ തമിഴ് പതിപ്പില്‍ അജിത്ത് ആയിരുന്നു അതിഥിവേഷത്തില്‍ അഭിനയിച്ചത്, ബോളിവുഡില്‍ അമിതാബ് ബച്ചന്‍ ചെയ്ത വേഷം തമിഴകത്തിന്റെ സ്വന്തം തലയാണ് കോളിവുഡില്‍ ചെയ്തത്.
Post Your Comments