ദുൽഖർ സൽമാൻ നായകനാകുന്ന ഏറ്റവും പുതിയ ചിത്രമാണ് ഒരു യമണ്ടൻ പ്രേമകഥ. സൂപ്പർഹിറ്റ് തിരക്കഥാകൃത്തുക്കളായി മാറിയ ബിബിൻ ജോർജും വിഷ്ണു ഉണ്ണികൃഷ്ണനും ഒരുക്കുന്ന മൂന്നാമത്തെ ചിത്രം എന്ന പ്രത്യേകതയും ഈ ചിത്രത്തിനുണ്ട്. സോളോ എന്ന ചിത്രത്തിന് ശേഷം ഇറങ്ങുന്ന ദുൽഖറിന്റെ മലയാള ചിത്രം കൂടി ആണ് ഒരു യമണ്ടൻ പ്രേമകഥ.
ഇപ്പോൾ വരുന്ന റിപ്പോർട്ടുകൾ അനുസരിച്ച ചിത്രത്തിൽ നിഖില വിമലും , സംയുക്തയും ആണ് നായികമാർ ആയി വരുന്നത്. ലവ് 24*7, അരവിന്ദന്റെ അതിഥികൾ എന്നി ചിത്രങ്ങളിലൂടെ പ്രേക്ഷകരുടെ മനം കവർന്ന നടിയാണ് നിഖില. ഒരു ചിത്രം പോലും പുറത്തിറങ്ങാതെ പ്രേക്ഷകശ്രദ്ധ പിടിച്ചു പറ്റിയ നടിയാണ് സംയുക്ത. സംയുക്ത നായികയായ തീവണ്ടി, ലില്ലി എന്നി ചിത്രങ്ങൾ പുറത്തിറങ്ങാൻ ഒരുങ്ങുകയാണ്. നവാഗതനായ ബി സി നൗഫൽ ആണ് സംവിധാനം ചെയ്യുന്നത്. ആന്റോ ജോസഫ് ഫിലിം കമ്പനിയുടെ ബാനറിൽ ആന്റോ ജോസഫ് ആണ് ചിത്രം നിർമിക്കുന്നത്.
Post Your Comments