സോനം കപൂർ നായികയായി ഒരുങ്ങുന്ന ചിത്രം ആണ് സോയ ഫാക്ടർ. ചിത്രത്തിൽ മലയാളി താരം ദുൽഖർ സൽമാൻ ഇന്ത്യൻ നായകൻ വിരാട് കോഹ്‌ലിയുടെ വേഷത്തിലാണ് അഭിനയിക്കുന്നതെന്ന വാർത്തകൾ ഇന്നലെ പുറത്തു വന്നിരുന്നു. പക്ഷെ ഈ അഭ്യൂഹങ്ങൾ എല്ലാം നിഷേധിക്കുകയാണ് ദുൽഖർ. ചിത്രത്തിൽ ദുൽഖർ അവതരിപ്പിക്കുന്ന കഥാപാത്രം ഒരു ഇന്ത്യൻ കളിക്കാരൻ ആണെന്നും അത് വിരാട് കോഹ്ലി അല്ലെന്നും ആണ് ഇപ്പോൾ പുറത്തു വരുന്ന വിവരം.
സോയ ഫാക്ടർ എന്ന പുസ്തകത്തെ ആധാരമാക്കി ഒരുങ്ങുന്ന ചിത്രമാണിത്. ഈ പുസ്തകം എഴുതപ്പെട്ടത് ഏറെകാലം മുൻപ് ആണെന്നും. അത് ഏതെങ്കിലും ഒരാളെക്കുറിച്ച് ഉള്ളതാണെന്ന് താന്‍ കരുതുന്നില്ലെന്നും ദുല്‍ഖര്‍ സല്‍മാന്‍ പറഞ്ഞു. ആ പുസ്തകം പൂര്‍ണമായും കഥയാണെന്നും അല്ലാതെ നടന്ന സംഭവങ്ങള്‍ അല്ലെന്നും ദുല്‍ഖര്‍ പറഞ്ഞു. ചിത്രത്തിന്റെ ഷൂട്ടിങ്ങ് ഈ മാസം അവസാനം ആരംഭിക്കും.
ദുൽഖർ, ഇർഫാൻ ഖാൻ എന്നിവർ നായകന്മാരായി അടുത്തിടെ പുറത്തിറങ്ങിയ കാർവാൻ എന്ന ചിത്രം തീയേറ്ററുകളിൽ വിജയകരം ആയി പ്രദർശനം തുടരുകയാണ്. ഇനി ബോളിവുഡിൽ ശ്രദ്ധ ചെലുത്തുമോ എന്ന ചോദ്യത്തിന് താൻ മലയാളി ആണെന്നും തന്റെ ശ്രദ്ധ മലയാള സിനിമയിൽ ആയിരിക്കുമെന്നും ദുൽഖർ വ്യക്തമാക്കി.
Post Your Comments