സുഡാനി ഫ്രം നൈജീരിയ എന്ന ചിത്രത്തിലൂടെ ഏറെ പ്രശസ്തർ ആയ ഉമ്മമാർ വീണ്ടും പ്രധാന വേഷങ്ങളിൽ എത്തുന്നു ഡാകിനിയുടെ പുതിയ പോസ്റ്റർ പുറത്തിറങ്ങി. ചെമ്പൻ വിനോദിന്റെ കഥാപാത്രത്തെ പരിചയപ്പെടുത്തുന്ന പോസ്റ്റർ ആണ് പുറത്തിറങ്ങിയിരിക്കുന്നത്. ഒറ്റമുറി വെളിച്ചത്തിന്റെ സംവിധായകന്‍ രാഹുൽ റിജി നായരുടെ ഏറ്റവും പുതിയ ചിത്രം ആണ് ഡാകിനി. സുഡാനിയിലെ ഉമ്മമാരായ സരസ ബാലുശ്ശേരിയും ശ്രീലത ശ്രീധരനുമാണ് ചിത്രത്തിലെ പ്രധാന താരങ്ങൾ.
പുള്ളിക്കാരന്‍ സ്റ്റാറാ എന്ന ചിത്രത്തിനു ശേഷം യൂണിവേഴ്സല്‍ സിനിമയുടെ ബാനറില്‍ ബി രാകേഷും തൊണ്ടിമുതലും ദൃക്‌സാക്ഷിക്കും ശേഷം ഉര്‍വശി തീയേറ്റേഴ്സിന്റെ ബാനറില്‍ സന്ദീപ് സേനനും അനീഷ് എം തോമസും ചേര്‍ന്ന് നിര്‍മ്മിക്കുന്ന ചിത്രം വിതരണത്തിന് എത്തിക്കുന്നത് വിജയ് ബാബുവിന്റെ ഫ്രൈഡേ ഫിലിം ഹൌസ് ആണ്.
സംസ്ഥാന ചലച്ചിത്ര പുരസ്‌കാരം നേടിയ ചിത്രം ആണ് ഒറ്റമുറിവെളിച്ചം. ഇവർക്ക് പുറമെ ചിത്രത്തിൽ സുരാജ് വെഞ്ഞാറമൂട്, ഇന്ദ്രൻസ്, പോളി വത്സൻ, സേതുലക്ഷ്മി എന്നിവരും അഭിനയിക്കുന്നുണ്ട്. രാഹുൽരാജ് ആണ് ചിത്രത്തിന്റെ സംഗീത വിഭാഗം കൈകാര്യം ചെയ്യുന്നത്.
Post Your Comments