രജനികാന്തിനൊപ്പം ഉള്ള അനുഭവം മനോഹരവും ലളിതവും ആയിരുന്നു എന്ന് ബോളിവുഡ് സൂപ്പർതാരം അക്ഷയ് കുമാർ. തന്റെ ഏറ്റവും പുതിയ ചിത്രമായ ഗോൾഡ് ന്റെ പ്രൊമോഷൻ ഭാഗമായി സോഷ്യൽ മീഡിയ വഴി ആരാധകരും ആയി സംസാരിച്ചപ്പോൾ ആണ് അദ്ദേഹം ഇക്കാര്യം പറഞ്ഞത്.
എന്താണ് രജനികാന്തിൽ നിന്നും പഠിച്ചത് എന്ന ചോദ്യത്തിന് “അദ്ദേഹത്തിന്റെ സമാധാനപരമായ തൊഴിൽ ധാർമികതയാണ് ” എന്നാണ് അക്ഷയ് മറുപടി നൽകിയത്.
ഗോൾഡ് എന്ന ചിത്രം ഇന്ത്യയിലെ ഹോക്കി കളിക്കാർക്ക് സമർപ്പിക്കുന്നുവെന്ന് അക്ഷയ് കുമാർ പറഞ്ഞു. 1948 ഒളിംപിക്സിലെ ഇന്ത്യയുടെ ചരിത്ര വിജയത്തെ അടിസ്ഥാനമാക്കി റീമ കാറ്റ്‌ഗി സംവിധാനം ചെയ്യുന്ന ചിത്രം ആണ് ഗോൾഡ്.
ടിവി സീരിയലുകളിലൂടെ പ്രശസ്തയായ മൗനി റോയ് ആണ് ചിത്രത്തിലെ നായിക. കുനാൽ കപൂർ, അമിത് സാധ് എന്നിവരും ചിത്രത്തിൽ അഭിനയിക്കുന്നുണ്ട്. ചിത്രം ഓഗസ്റ്റ് 15 നു തീയേറ്ററുകളിൽ എത്തും.
Post Your Comments