മോഹൻലാലിനെ നായകനാക്കി പരസ്യ സംവിധായകൻ ആയ ശ്രീകുമാർ മേനോൻ സംവിധാനം ചെയ്യുന്ന ഫാന്റസി ചിത്രം ആണ് ഒടിയൻ. മലയാളത്തിൽ ഇതുവരെ ഇറങ്ങിയതിൽ ഏറ്റവും വലിയ ബജറ്റ് സിനിമ എന്നാണ് റിപോർട്ടുകൾ. മോഹൻലാലിന് പുറമെ പ്രകാശ് രാജ് , മഞ്ജു വാരിയർ എന്നിവരും ചിത്രത്തിൽ പ്രധാന വേഷങ്ങളിൽ എത്തുന്നു.
ഇപ്പോൾ കിട്ടുന്ന വിവരം അനുസരിച് ചിത്രത്തിൽ അജയ് ദേവ്ഗണും പങ്കാളി ആവുകയാണ്. അജയിന്റെ ഉടമസ്ഥതയിലുള്ള എന്‍.വൈ വി.എഫ്.എക്‌സ് വാലയാണ് ചിത്രത്തിന് വേണ്ടി വി.എഫ്.എക്‌സ് രംഗങ്ങള്‍ ഒരുക്കുന്നത്. ചിത്രത്തിന്റെ ഹിന്ദി പതിപ്പും പുറത്തിറങ്ങുന്നുണ്ട്.
ഐതിഹ്യവും ചരിത്രവും കൂടിക്കലര്‍ന്ന ഈ ചിത്രത്തിന്റെ തിരക്കഥ രചിക്കുന്നത് ദേശിയ പുരസ്‌കാര ജേതാവും മാധ്യമപ്രവർത്തകനും ആയ കെ.ഹരികൃഷ്ണൻ ആണ്. പീറ്റർ ഹെയ്‌ൻ ആണ് സംഘട്ടനം. ആശിർവാദ് സിനിമാസിനു വേണ്ടി ആന്റണി പെരുമ്പാവൂർ ആണ് ചിത്രം നിർമിക്കുന്നത്.
Post Your Comments