ബിഗ്‌ബോസിൽ താൻ നടത്തിയ പരാമർശത്തിൽ വിശദീകരണവും ആയി ട്രാൻസ്‌ജെൻഡർ സിനിമാതാരം അഞ്ജലി അമീർ. ക്രോസ്സ് ഡ്രസിങ് നടത്തി ട്രാൻസ്‌ജെൻഡർ എന്ന് പറഞ്ഞു സെക്സ് വർക്കിന്‌ ഇറങ്ങുന്നവരെ കുറിച്ചാണ് പറഞ്ഞതെന്ന് അഞ്ജലി പറയുന്നു.
ക്രോസ്സ് ഡ്രസിങ് നടത്തി ട്രാൻസ്‌ജെൻഡർ ആണെന്ന് പറഞ്ഞു പണം ഉണ്ടാക്കാൻ ശ്രമിക്കുന്നവർ കേരളത്തിൽ ഉണ്ടെന്നും കാശ് ആഗ്രഹിക്കുന്നവർ ആണ് വസ്ത്രം മാറി രാത്രി ഇറങ്ങുന്നത് എന്നും സെക്സ് വർക്കിനെ പ്രോത്സാഹിപ്പിക്കുന്നില്ല എന്നും ആണ് അഞ്ജലി പറഞ്ഞത്. ഇതിനെതിരേ മേക്കപ്പ് ആര്‍ട്ടിസ്റ്റ് സൂര്യ ഇഷാന്‍ ട്രാന്‍സ്ജെന്‍ഡര്‍ ശ്യാമ.എസ്.പ്രഭ തുടങ്ങിയവര്‍ രംഗത്ത് വന്നിരുന്നു. തന്റെ വാക്കുകൾ തെറ്റിദ്ധരിക്കപ്പെട്ട എന്ന് ബിഗ് ബോസ്സിൽ നിന്നും പുറത്തു വന്നപ്പോൾ ആണ് അറിഞ്ഞതെന്നും അഞ്ജലി പറയുന്നു.
താനൊരു ട്രാൻസ്‌ജെൻഡർ പ്രവർത്തക ഒന്നും അല്ലെങ്കിലും തന്റെ നേട്ടത്തിലൂടെ തന്റെ സമൂഹത്തെ വളർത്തി എടുക്കാനും പ്രചോദനം നൽകാനും ശ്രമിക്കാറുണ്ടെന്ന് അഞ്ജലി വ്യക്തമാക്കി .
Post Your Comments