സംസ്ഥാന ചലച്ചിത്ര അവാർഡ് വേദിയിൽ മോഹൻലാലിന് നേരെ അലൻസിയറുടെ തോക്കു ചൂണ്ടി പ്രതിഷേധം. ഇന്നലെ നടന്ന ചടങ്ങിൽ മോഹൻലാൽ സംസാരിച്ചു കൊണ്ടിരുന്നപ്പോൾ ആണ് മുന്നിലേക്ക് എത്തിയ അലൻസിയർ കൈ തോക്കു പോലെ കൈ ചുരുട്ടി മോഹൻലാലിന് നേരെ രണ്ടു തവണ നിറ ഒഴിക്കുകയായിരുന്നു. ഇത് കണ്ട മോഹൻലാൽ അലൻസിയറെ നോക്കി ഒന്ന് ചിരിക്കുകയും ചെയ്തു.
തുടർന്ന് സ്റ്റേജിൽ മോഹൻലാലിന് നേരെ എത്തിപ്പെടാൻ ശ്രമിച്ച അലൻസിയറെ പോലീസും സംഘാടകരും ചേർന്ന് തടയുകയും ചെയ്തു. ഇക്കാര്യം എല്ലാം വീക്ഷിച്ച മുഖ്യമന്ത്രി ഒരു ചിരിയിലൂടെ ആ സംഭവം തള്ളി കളയുക ആയിരുന്നു.
അതെ സമയം തന്റെ പ്രവർത്തി ഒരു പ്രതീഷേധം ആയി ഒന്നും കാണേണ്ട എന്ന് അലൻസിയർ ഒരു ഓൺലൈൻ മാധ്യമത്തോട് പറഞ്ഞു. ആ നിമിഷം താൻ എന്താണ് ചെയ്തത് എന്ന് തനിക്ക് ഓർമയില്ല എന്നും അദ്ദേഹം പറഞ്ഞു.
Post Your Comments