ജോൺ എബ്രഹാം നായകൻ ആകുന്ന “സത്യമേവ ജയതേ” എന്ന ചിത്രത്തിലെ ദിൽബർ എന്ന ഒറ്റ ഗാനം കൊണ്ട് തരംഗം ആയ നടിയാണ് നോറ ഫത്തേഹി. 350 മില്യൺ വ്യൂ കഴിഞ്ഞ പാട്ട് ഇപ്പോഴും ഹിറ്റ് ചാർട്ടിൽ ആണ്. നോറയുടെ നൃത്തചുവടുകളാണ് ഗാനത്തെ തരംഗം ആക്കിയത്. ഇപ്പോൾ നോറ നിവിൻ പോളി നായകനാകുന്ന കായംകുളം കൊച്ചുണ്ണിയിലൂടെ മലയാളത്തിൽ തരംഗം സൃഷ്ടിക്കാൻ ഒരുങ്ങുകയാണ്. കൊച്ചുണ്ണിയിലെ മനോഹരമായ ഒരു പാട്ടിന്റെ ദൃശ്യങ്ങളിലാണ് പ്രേക്ഷകരെ രസിപ്പിക്കുന്ന ചുവടുകളുമായി നോറ എത്തുന്നത്.
ബിഗ് ബോസ്സിന്റെ ഒൻപതാം പതിപ്പിൽ മത്സരാർത്ഥിയായിരുന്ന നോറ കന്നഡ, തെലുങ്കു ചിത്രങ്ങളിലൂടെ ആണ് ഇന്ത്യയിൽ പ്രശസ്തി നേടി തുടങ്ങിയത്. ഐറ്റം നമ്പരുകളിലെ മാസ്മരിക നൃത്തച്ചുവടുകളാണ് കനേഡിയൻ മോഡൽ ഡാൻസറുമായ നോറയെ പ്രാദേശിക സിനിമകളിലും ഹോട്ട് ചോയിസ് ആക്കുന്നത്.
റോഷൻ ആൻഡ്രൂസ് ആണ് കായംകുളം കൊച്ചുണ്ണിയുടെ സംവിധായകൻ. ചിത്രത്തിൽ ഇത്തിക്കര പാക്കിയായി മോഹൻലാലും അഭിനയിക്കുന്നുണ്ട്. ബോബി സഞ്ജയ് ആണ് ചിത്രത്തിന്റെ തിരക്കഥ നിർമിക്കുന്നത് . ഗോകുലം ഗോപാലൻ ആണ് നിർമാണം .
Post Your Comments