തിരിച്ചു വരവിനൊരുങ്ങി പ്രീതി സിന്റ; പുതിയ ചിത്രത്തിന്റെ പോസ്റ്റർ പുറത്തിറങ്ങി

ഒരു വലിയ ഇടവേളക്ക് ശേഷം തിരിച്ചു വരവിനു ഒരുങ്ങുകയാണ് ബോളിവുഡിലെ സൂപ്പർതാരം ആയിരുന്ന പ്രീതി സിന്റ . അവസാനമായി പ്രീതി ഒരു മുഴുനീള വേഷം ചെയ്തത് 2008ൽ പുറത്തിറങ്ങിയ ഹീറോസ്എന്ന സിനിമയിൽ ആയിരുന്നു. പിന്നീട് സിനിമകളിൽ ഗസ്റ്റ് റോളുകൾ മാത്രം ആണ് പ്രീതി ചെയ്തത്. ഇപ്പോൾ പ്രീതി നായികയാകുന്ന ഭയ്യാജി സൂപ്പർഹിറ്റ് എന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തു ഇറങ്ങിയിരിക്കുകയാണ്.

Back with a bang! Meet #SapnaDubey in #BhaiajiSuperhit on the 19th of October in a theatre near youu! #PZisBack! ❤️ pic.twitter.com/rLtxUNM1me

— Preity G Zinta (@realpreityzinta) August 7, 2018

പ്രീതി തന്നെയാണ് തന്റെ ഇൻസ്റ്റാഗ്രാം അക്കൗണ്ടിലൂടെ പോസ്റ്റർ പുറത്തു വിട്ടത്. ചിത്രത്തിൽ സപ്ന ദുബേ എന്ന കഥാപാത്രത്തിനെയാണ് അവതരിപ്പിക്കുന്നത്. കയ്യിൽ ഒരു തോക്കുമായി നിൽക്കുന്ന പ്രീതി ഒരു റൗഡി സ്ത്രീയുടെ വേഷം ആണ് കൈകാര്യം ചെയ്യുന്നത്. പ്രീതിക്ക് പുറമെ സണ്ണി ഡിയോൾ, അർഷാദ് വേർസി, ശ്രേയസ് തല്പടെ, അമീഷ പട്ടേൽ എന്നിവരും അഭിനയിക്കുന്നുണ്ട്. നീരജ് പഥക് ആണ് ഈ ആക്ഷൻ കോമഡി ചിത്രം സംവിധാനം ചെയ്യുന്നത്. ചിത്രം ഒക്ടോബര് 19 തീയേറ്ററുകളിലെത്തും.