ആടുകളം എന്ന ചിത്രത്തിന്റെ വമ്പന്‍ വിജയത്തിനു ശേഷം വെട്രിമാരനും ധനുഷും ഒന്നിക്കുന്ന ചിത്രമാണ് വടാ ചെന്നൈ. ഒരു ഗ്യാങ്സ്റ്റര്‍ ചിത്രമായ വടാ ചെന്നൈ സെപ്തംബറില്‍ റിലീസാകുമെന്നാണ് കരുതപ്പെടുന്നത്. ഇപ്പോള്‍ അണിയറ പ്രവര്‍ത്തകര്‍ ചിത്രത്തിന്റെ പുതിയ പോസറ്ററുകളും സ്റ്റില്‍സും പുറത്തു വിട്ടിരിക്കുകയാണ്.
പോസ്റ്ററുകളില്‍ നിന്ന് ധനുഷ് പല പ്രായത്തിലുള്ള കഥാപാത്രത്തിനെയാണ് അവതരിപ്പിക്കുന്നതെന്ന് മനസിലാക്കാന്‍ കഴിയും. ധനുഷും നായിക ഐശ്വര്യ രാജേഷും ഉള്‍പ്പെടുന്ന ചില ചിത്രങ്ങളും അണിയറ പ്രവര്‍ത്തകര്‍ പുറത്തുവിട്ടു. പുറത്തിറങ്ങിയ ചിത്രത്തിന്റെ ടീസറിന് വന്‍ വരവല്‍പ്പാണ് ലഭിച്ചത്.
ധനുഷിന്റെ തന്നെ പ്രൊഡക്ഷന്‍ കമ്പനിയായ വുണ്ടര്‍ബാര്‍ ഫിലിംസാണ് ചിത്രം നിര്‍മ്മിച്ചിരിക്കുന്നത്. ചിത്രത്തില്‍ ആന്‍ഡ്രിയ, ശശികുമാര്‍, കിഷോര്‍, അമീര്‍, സമുദ്രക്കനി തുടങ്ങിയ വന്‍ താരനിര തന്നെയുണ്ട്.
Post Your Comments