ഒമ്പത് വര്‍ഷം മുമ്പ് നമ്മെ വിട്ടുപിരിഞ്ഞ അനശ്വര നടന്‍ മുരളിയ്ക്ക് ഓര്‍മ്മപ്പൂക്കള്‍ അര്‍പ്പിച്ച് നടന്‍ മോഹന്‍ലാല്‍. 2009 ആഗസ്റ്റ് ആറാം തീയതിയാണ് മുരളി മരണത്തിന് മുന്നില്‍ കീഴടങ്ങുന്നത്. മോഹന്‍ലാലിനൊപ്പം ലാല്‍ സലാം, സദയം, ദശരഥം, കീരിടം തുടങ്ങിയ ചിത്രങ്ങളില്‍ മുരളി മികച്ച കഥാപാത്രങ്ങളെ അവതരിപ്പിച്ചിട്ടുണ്ട്.
മലയാള സിനിമ കണ്ട ഏക്കാലത്തെയും മികച്ച നടന്മാരില്‍ ഒരാളായിരുന്നു മുരളി. വാണിജ്യ സിനിമകള്‍ക്കും കലാമൂല്യമുള്ള സിനിമകള്‍ക്കും ഒരേ പ്രാധാന്യം നല്‍കിയിരുന്ന ചുരുക്കം ചില നടന്മാരില്‍ ഒരാളാണ് മുരളി. മുന്നരപതിറ്റാണ്ടുകാലം കലാ രംഗത്ത് സജീവമായിരുന്ന മുരളി മലയാളം, തമിഴ, തെലുങ്ക് എന്നീ ഭാഷകളിലായി 200 ലേറെ ചിത്രങ്ങളില്‍ അഭിനയിച്ചു. ഫെയ്‌സ്ബുക്ക് പോസ്റ്റിലൂടെയാണ് മോഹന്‍ലാല്‍ അനുസ്മരണം രേഖപ്പെടുത്തിയത്.
80 കളിലും 90 കളിലും മലയാള സിനിമയ്ക്ക് ഒഴിവാക്കാന്‍ കഴിയാത്ത ഒരു ഘടകമായിരുന്നു മുരളി എന്ന നടന്‍. നായകന്‍, വില്ലന്‍, കാമുകന്‍, തുടങ്ങി അനേകം വേഷങ്ങള്‍ അദ്ദേത്തിന്റെ കൈകളില്‍ ഭദ്രമായിരുന്നു.
മികച്ച നടനുള്ള ദേശീയ പുരസ്‌കാരം ഒരു തവണയും സംസ്ഥാന സര്‍ക്കാരിന്റെ പുരസ്‌കാരം നാലു തവണയും മുരളിയെ തേടി വന്നിട്ടുണ്ട്.
Post Your Comments