കേരളക്കര ഇളക്കിമറിച്ച ഇന്ദുചൂഢനും നന്ദഗോപാല്‍ മാരാരും

പോ മോനെ ദിനേശാ… മലയാളി മനസ്സുകളില്‍ എന്നും നിറഞ്ഞു നില്‍ക്കുന്ന ഒരു മാസ് ഡയലോഗാണിത്. 2000 ല്‍ രഞ്ജിത്തിന്റെ തിരക്കഥയിൽ ഷാജി കൈലാസ് ഒരുക്കിയ നരസിംഹത്തിലെ ഈ ഡയലോഗ് ആരാധകര്‍ ഒരിക്കലും
മറക്കില്ല.

മലയാളത്തിലെ താര രാജാക്കാന്മാര്‍ ഒന്നിച്ച മാസ് ചിത്രമായിരുന്നു നരസിംഹം. പൂവള്ളി ഇന്ദുചൂഢന്റെ കഥപറഞ്ഞ നരസിംഹത്തില്‍ ആരാധകരെ കോരിത്തരിപ്പിച്ച കഥാപാത്രമാണ് അതിഥി വേഷത്തിലുള്ള മമ്മൂട്ടിയുടെ നന്ദഗോപാല്‍ മാരാര്‍. ജീവിരതത്തില്‍ ഒരു പ്രശ്നം നേരിടുമ്പോള്‍ കൂടെ നില്‍ക്കുന്നവനാണ് മികച്ച സുഹൃത്ത്. പണം കൊണ്ടും സ്വാധീനം കൊണ്ടും തന്നെ കീഴടക്കാന്‍ എത്തിയവരെ ആട്ടിപായിക്കുന്ന നന്ദ ഗോപാല്‍ തിയറ്ററില്‍ നേടിയ കയ്യടി മികച്ച സൗഹൃദത്തിനു കൂടിയായിരുന്നു.

2000-ൽ റിപ്പബ്ലിക് ദിനത്തിൽ പുറത്തിറങ്ങിയ ഈ ചിത്രം 200 ദിവസങ്ങളിൽ കൂടുതൽ തിയെറ്ററുകളിൽ പ്രദർശിപ്പിക്കപ്പെട്ട ഈ ചിത്രം 20 കോടി നേടിയിരുന്നു. 15 വർഷങ്ങൾക്ക് ശേഷം ഡിസംബർ 5, 2014-ൽ ദുബായിൽ ചിത്രം
വീണ്ടും റിലീസ് ചെയ്യുകയുണ്ടായി.