പുലിമുരുകന്‍ എന്ന മെഗാഹിറ്റ് ചിത്രത്തിലൂടെ മലയാളികടെ മനം കവര്‍ന്ന സംവിധായകന്‍ വൈശാഖ് ഒരുക്കിയ ചിത്രമാണ് കസിന്‍സ്. നാല് കസിന്‍സിന്റെ ഒരു യാത്രയാണ് സിനിമ. സാം, ജോജി, പോളി, ടോണി. സാമിന്റെ ജീവിതത്തില്‍ സംഭവിച്ച ഒരു ഇരുണ്ട അധ്യായത്തെ തേടിയിറങ്ങുന്നതാണ് കഥ. ഒരു അപകടത്തില്‍ സാമിന് തന്റെ ഓര്‍മ ശക്തി നഷ്ടപ്പെട്ടുപോയി. എവിടെ വച്ചാണ് സാമിന് ഇത് സംഭവിച്ചതെന്ന് തേടിയുള്ള കസിന്‍സിന്റെ യാത്രയാണ് പിന്നെ സിനിമ.
ആ യാത്രയില്‍ അവര്‍ കര്‍ണാടകത്തിന്റെയും കേരളത്തിന്റെയും അതിര്‍ത്തിയിലുള്ള കൊട്ടാരത്തില്‍ അവര്‍ എത്തുന്നു. അവിടെ വച്ച് സാമിന്റെ കാമുകിയെയും സഹോദരിയെയും കസിന്‍സ് കണ്ടു മുട്ടുന്നു. അവരില്‍ നിന്ന് സാമിന് എന്താണ് സംഭവിച്ചതെന്ന് കസിന്‍സ് മനസ്സിലാക്കുന്നതാണ് കഥ.
കസിന്‍സു വേണ്ടി അവന്റെ ഓര്‍മ്മ തിരിച്ചു കിട്ടാനായി നടത്തുന്ന യാത്ര കോമഡി നിറഞ്ഞ ഓന്നായിരുന്നു. ചിരിക്ക് പ്രാധാന്യം കൊടുത്തുകൊണ്ടുള്ള കളര്‍ഫുള്‍ ചിത്രം പ്രേക്ഷകരുടെ മനം കവര്‍ന്നു.
സാം ആയി കുഞ്ചാക്കോ ബോബനും ജോജിയായി ഇന്ദ്രജിത്തും എത്തിയപ്പോള്‍ സുരാജും (പോളി) ജോജു ജോര്‍ജു (ടോണി)വും മറ്റ് രണ്ട് കസിന്‍സായി. സാമിന്റെ കാമുകിയുടെ വേഷത്തില്‍ വേദികയും സഹോദരിയുടെ വേഷത്തില്‍ നിഷ അഗര്‍വാളും അഭിയിച്ചു. ചിത്രത്തിന്‍റെ തിരക്കഥ ഒരുക്കിയത് സേതു.
Post Your Comments