‘ഉദയനാണ് താരം’ എന്ന സിനിമയാണ് റോഷന്‍ ആന്‍ഡ്രൂസ് എന്ന ഫിലിം മേക്കറെ പോപ്പുലറാക്കിയത്. മലയാളത്തില്‍ ഗംഭീര വിജയം നേടിയ ചിത്രം റോഷന്‍ ആന്‍ഡ്രൂസ് എന്ന സംവിധായകന്റെ കന്നിച്ചിത്രമായിരുന്നു. മോഹന്‍ലാല്‍, ‘ഉദയന്‍’ എന്ന ടൈറ്റില്‍ കഥാപാത്രത്തെ അവതരിപ്പിച്ചപ്പോള്‍ സരോജ് കുമാറായി അഭിനയിച്ചത് ചിത്രത്തിന്റെ തിരക്കഥാകൃത്തായ ശ്രീനിവാസനായിരുന്നു, സിനിമയ്ക്കുള്ളിലെ കഥ പറഞ്ഞ ചിത്രം നര്‍മ ശൈലിയിലൂടെയാണ് പ്രേക്ഷകനുമായി കമ്മ്യൂണിക്കേറ്റ് ചെയ്തത്, തെന്നിന്ത്യന്‍ സിനിമാ ലോകത്ത് ‘ഉദയനാണ് താരം’ ചര്‍ച്ചയായതോടെ ബോളിവുഡിലെ പല നിര്‍മ്മാണ കമ്പനികളും ചിത്രത്തെ ഹിന്ദിയിലെത്തിക്കാന്‍ നീക്കം ആരംഭിച്ചു. ഒടുവില്‍ ബോളിവുഡ് സൂപ്പര്‍ താരം അനില്‍ കപൂറിലേക്ക് സിനിമ എത്തപ്പെടുകയായിരുന്നു.
സിനിമയുടെ പ്രാരംഭ ജോലികളുമായി ബന്ധപ്പെട്ടു റോഷന്‍ ആന്‍ഡ്രൂസ് അനില്‍ കപൂറിന്റെ ഓഫീസില്‍ ഒരു വര്‍ഷത്തോളം താമസിച്ചിരുന്നു, പക്ഷെ സിനിമ നടക്കാതെ പോയതിന്റെ കാരണം റോഷന്‍ തന്നെ പല അഭിമുഖങ്ങളിലും വ്യക്തമാക്കിയിട്ടുണ്ട്.
സിനിമ പൂര്‍ണ്ണമായും അവര്‍ കൈയ്യടക്കിയെന്നും. സിനിമയില്‍ ഏതൊക്കെ ടെക്നീഷ്യന്‍സ് ഉണ്ടാകണമെന്ന് അവര്‍ തീരുമാനിച്ചപ്പോള്‍ തന്റെ ആവശ്യം അവിടെ ഇല്ലെന്നും റോഷന്‍ വ്യക്തമാക്കി. നിങ്ങള്‍ തന്നെ സിനിമ സംവിധാനം ചെയ്യൂ എന്ന് അനില്‍ കപൂറിന്റെ മുഖത്ത് നോക്കി പറഞ്ഞിട്ടാണ് റോഷന്‍ ആന്‍ഡ്രൂസ് ബോളിവുഡ് ഓഫര്‍ ഉപേക്ഷിച്ച് കേരളത്തിലേക്ക് വിമാനം കയറിയത്.
Post Your Comments