ചില ഹാസ്യ കഥാപാത്രങ്ങള്‍ മനസ്സിനെ വിടാതെ പിടികൂടും,അത്തരത്തിലൊരു കഥാപാത്രമാണ് ചട്ടമ്പി നാട് എന്ന സിനിമയിലെ ദശമൂലം ദാമു. സുരാജ് അവതരിപ്പിച്ച ടിപ്പിക്കല്‍ ഹാസ്യ വേഷങ്ങളില്‍ നിന്ന് വ്യത്യസ്തമായിരുന്നു ചട്ടമ്പിനാട് എന്ന സിനിമയിലെ ദശമൂലം.
ചട്ടമ്പി നാട് എന്ന സിനിമയുടെ വലിയ വിജയത്തില്‍ നിര്‍ണായക പങ്കുവഹിച്ച ദശമൂലം സോഷ്യല്‍ മീഡിയകളില്‍ ഇന്നും തരംഗമാണ്. ട്രോളര്‍മാര്‍ക്ക് ഏറെ ഇഷ്ടമുള്ള ദശമൂലം വീണ്ടും സ്ക്രീനിലെത്തിയത് അതൊരു ആഘോഷം തന്നെയായിരിക്കും.
ചട്ടമ്പി നാട് എന്ന സിനിമയുടെ സംവിധായകനായ ഷാഫി ദശമൂലത്തെ വീണ്ടും സ്ക്രീനിലെത്തിക്കുമെന്ന സൂചന പങ്കുവെച്ചിരിക്കുകയാണ്, വേണ്ടി വന്നാല്‍ താന്‍ ദശമൂലത്തെ മുന്‍നിര്‍ത്തി മാത്രം സിനിമ ചെയ്യുമെന്നും ഷാഫി പ്രഖ്യാപിക്കുന്നു. സുരാജുമായി ഇതിനെക്കുറിച്ച് സംസാരിച്ചുവെന്നും സോഷ്യല്‍ മീഡിയ ദശമൂലത്തെ ആഘോഷമാക്കുന്നത് ശ്രദ്ധിക്കാറുണ്ടെന്നും സുരാജ് തന്നോട് വ്യക്തമാക്കിയതായി ഷാഫി പറയുന്നു. ഒരു പ്രമുഖ സിനിമാ മാധ്യമത്തിനു നല്‍കിയ അഭിമുഖത്തിലായിരുന്നു ദശമൂലം ദാമുവിനെക്കുറിച്ച് ഷാഫി വാചാലനായത്.
Post Your Comments