തെന്നിന്ത്യന്‍ ആരാധകരുടെ പ്രിയ താരമാണ് സമാന്ത. നടന്‍ നാഗ ചൈതന്യ യുമായുള്ള വിവാഹ ശേഷവും സിനിമയില്‍ തുടരുകയാണ് താരം. എന്നാല്‍ ഇപ്പോള്‍ സിനിമയുടെ പൂജാ ചടങ്ങിന് പങ്കെടുക്കാൻ വിമുഖത കാണിയ്ക്കുന്നതിന്റെ രഹസ്യം ആരാധകരോട് തുറന്നു പറഞ്ഞിരിക്കുകയാണ് താരം. കഴിഞ്ഞ ദിവസം പങ്കെടുത്ത ചടങ്ങിന്റെ വിഡിയോ സഹിതമാണ് സമാന്തയുടെ തുറന്നുപറച്ചിൽ.
നാഗചൈതന്യയ്ക്കൊപ്പമുള്ള പുതിയ ചിത്രത്തിന്റെ പൂജ നടന്നത് കഴിഞ്ഞ ദിവസമായിരുന്നു. തേങ്ങയുടച്ച് പൂജ തുടങ്ങാൻ സമാന്തയെ ക്ഷണിക്കുകയും ചെയ്തു. എന്നാൽ രണ്ടു മൂന്നു തവണ ശ്രമിച്ചിട്ടും സമാന്തയ്ക്ക് തേങ്ങ കല്ലിൽ അടിച്ച് ഉടയ്ക്കാൻ കഴിഞ്ഞില്ല. ഒടുവിൽ പൂജാരി തന്നെ സമാന്തയുടെ രക്ഷയ്ക്കെത്തി.
ശിവ നിർവാണ സംവിധാനം ചെയ്യുന്ന ‘എൻസി 17’ എന്ന ചിത്രത്തിന്റെ പൂജാവേളയിലാണ് രസകരമായ സംഭവം നടന്നത്. സാമൂഹ്യമാധ്യമങ്ങളിൽ വൈറലായ തേങ്ങാ ഉടയ്ക്കൽ വിഡിയോ സമാന്ത തന്നെ ഔദ്യോഗിക ട്വിറ്റർ പേജിൽ പങ്കു വച്ചു.
Post Your Comments