ക്യാമറയ്ക്ക് പിന്നില്‍ നിന്ന് നിര്‍ദ്ദേശങ്ങള്‍ കൈ മാറുന്ന മിതത്വമുള്ള സിനിമകള്‍ നമുക്ക് മുന്നില്‍ അവതരിപ്പിച്ച സംവിധായകന്‍ ഫാസില്‍ വര്‍ഷങ്ങളുടെ ഇടവേളയ്ക്ക് ശേഷം വീണ്ടും ക്യാമറയ്ക്ക് മുന്നിലേക്ക് എത്തുന്നു. നോക്കാത്ത ദൂരത്ത് കണ്ണും നട്ട് എന്ന തന്റെ ആദ്യകാല ചിത്രത്തിലാണ് ഫാസില്‍ ആദ്യമായി അഭിനയിച്ചത്. ചിത്രത്തില്‍ മോഹന്‍ലാലിന്‍റെ സുഹൃത്തായിട്ടാണ് ഫാസില്‍ പ്രത്യക്ഷപ്പെട്ടത്.
നീണ്ട ഗ്യാപ്പിനു ശേഷം ഫാസില്‍ അഭിനയിച്ച ചിത്രമാണ് ലൂസിഫര്‍. പൃഥ്വിരാജ് ആദ്യമായി സംവിധാനം ചെയ്യുന്ന ലൂസിഫറില്‍ ഒരു പുരോഹിതന്റെ വേഷത്തിലാണ് ഫാസില്‍ അഭിനയിക്കുന്നത്. ഇനി അഭിനയിക്കാനുള്ള യാതൊരു പദ്ധതി ഇല്ലാതിരുന്നിട്ടും പൃഥ്വിരാജിന്റെ നിര്‍ബന്ധപൂര്‍വ്വമുള്ള ക്ഷണമാണ് തന്നെ ലൂസിഫര്‍ ചെയ്യാന്‍ പ്രേരിപ്പിച്ചതെന്നും ഫാസില്‍ പറയുന്നു.
മോഹന്‍ലാല്‍ നായകനാകുന്ന ലൂസിഫറിന്റെ ചിത്രീകരണം പുരോഗമിക്കുന്നു. മുരളി ഗോപി രചന നിര്‍വഹിക്കുന്ന ചിത്രം ആശിര്‍വാദ് ആണ് നിര്‍മ്മിക്കുന്നത്.
Post Your Comments