മോഹന്‍ലാല്‍ ആരാധകര്‍ ഏറെ ആവേശത്തോടെ കാത്തിരിക്കുന്ന ചിത്രമാണ് ലൂസിഫര്‍. പൃഥ്വിരാജ് ആദ്യമായി സംവിധാനം ചെയ്യുന്ന ലൂസിഫറിനു സോഷ്യല്‍ മീഡിയയില്‍ വന്‍ പ്രചാരണമാണ് ലഭിക്കുന്നത്.കഴിഞ്ഞ ദിവസം ചിത്രീകരണം ആരംഭിച്ച ലൂസിഫറിന്റെ ലൊക്കേഷന്‍ ചിത്രങ്ങള്‍ ആരാധകരാണ് സോഷ്യല്‍ മീഡിയ വഴി പ്രചരിപ്പിക്കുന്നത്.മീശ പിരിയ്ക്കുന്ന മോഹന്‍ലാലിന്‍റെ ഗെറ്റപ്പ് അടക്കം ആരാധകര്‍ സോഷ്യല്‍ മീഡിയ വഴി പുറത്തുവിട്ടിരുന്നു.
അനുവാദമില്ലാതെ ലൊക്കേഷന്‍ ചിത്രമെടുത്ത് വാട്സ്ആപ്പിലും ഫേസ്ബുക്കിലും പ്രചരിപ്പിക്കുന്നവരെ വിമര്‍ശിച്ച് ചിത്രത്തിന്റെ രചയിതാവ് മുരളി ഗോപി രംഗത്തെത്തി. ഇത് സിനിമയോട് ചെയ്യുന്ന ക്രൂരതയാണെന്നും ആദേഹം കുറ്റപ്പെടുത്തി. ലാലേട്ടനോടുള്ള ആരാധന കൊണ്ടാണ് ഇങ്ങനെ ചെയ്യുന്നതെന്നാറിയാം, പക്ഷെ സിനിമ ഇറങ്ങും മുന്‍പേ ലൊക്കേഷന്‍ കാഴ്ചകളിലൂടെ ചിത്രത്തിന്റെ കഥ ഊഹിച്ചെടുത്ത് അതിനെ എരുതീയില്‍ ഇട്ടു പൊള്ളിക്കുന്ന സിനിമാ നിരൂപകരുടെ കാലമാണിത്. അത് കൊണ്ടു തന്നെ ദയവു ചെയ്തു ലൊക്കേഷന്‍ ചിത്രങ്ങള്‍ ലീക്ക് ചെയ്യരുത്. മുരളി ഗോപി വിനയപൂര്‍വ്വം പങ്കുവെയ്ക്കുന്നു
Post Your Comments