ആരാധകരുടെ മനം കവര്‍ന്ന ബോളിവുഡ് താര സുന്ദരി ആലിയയുടെ ബാല്യകാല ചിത്രം വൈറല്‍. ആലിയ ഭട്ട് തന്നെയാണ് ഇന്‍സ്റ്റഗ്രാമില്‍ ചിത്രം പോസ്റ്റ് ചെയ്തത്. മുതിര്‍ന്ന താരം പരേഷ് റാവലിന്റെ കൂടെ നില്‍ക്കുന്ന കുഞ്ഞു ആലിയയാണ് ചിത്രത്തിലുള്ളത്. കുഞ്ഞ് ആലിയയുടെ മുഖത്തെ കുസൃതിയും നിഷകളങ്കതയുമാണ് ആരാധകരുടെ മനം കവര്‍ന്നത്. ആലിയക്ക് പുറമെ പരേഷ് റാവലും ചിത്രം ഷെയര്‍ ചെയ്തു.
1998ല്‍ പുറത്തിറങ്ങിയ ‘തമന്ന’ എന്ന ചിത്രത്തിന്റെ ചിത്രീകരണ സമയത്തുള്ളതാണ് ചിത്രം. പൂജാ ഭട്ടും പരേഷ് റാവലും പ്രധാന വേഷത്തില്‍ എത്തിയ ചിത്രം സംവിധാനം ചെയ്തത് ആലിയയുടെ പിതാവ് മഹേഷ് ഭട്ടായിരുന്നു. രണ്‍ബീര്‍ കപൂറും അമിതാബ് ബച്ചനും പ്രധാന വേഷത്തില്‍ എത്തുന്ന ബ്രഹ്മാസ്ത്രയാണ് ആലിയയുടെ പുതിയ ചിത്രം.
Post Your Comments