സിദ്ധിഖ്-ലാല്‍ കൂട്ടുകെട്ട് വേര്‍പിരിഞ്ഞതിനു പിന്നില്‍ ?

ഇത്രയും ഹിറ്റുകള്‍ ഒരുക്കിയ ഇവര്‍ എന്തിനു പിരിഞ്ഞു?, ലാല്‍-സിദ്ധിഖ് ചിത്രങ്ങള്‍ ആഘോഷമാക്കി മാറ്റിയ പ്രേക്ഷകര്‍ക്കുള്ളിലെ പ്രധാന സംശയങ്ങളില്‍ ഒന്നാണിത്.

ഒരു ടിവി അഭിമുഖ പരിപാടിയില്‍ ഇരുവരുടെയും വേര്‍പിരിയലിനെക്കുറിച്ച് സിദ്ധിഖ്-ലാല്‍ ടീം പറഞ്ഞതിങ്ങനെ

‘എന്തിനു പിരിഞ്ഞു എന്ന് ആലോചിക്കാതെ പിരിഞ്ഞത് കൊണ്ട് എന്തുണ്ടായി എന്ന് ആലോചിച്ചൂടെ? ഞങ്ങള്‍ തമ്മില്‍ വേര്‍പിരിയാനുണ്ടായ കാരണത്തിന് ഇന്ന് പ്രസക്തിയില്ല, കാരണം അത് ഇന്ന് നിലനില്‍ക്കുന്നില്ല, പിന്നെ അതിനെക്കുറിച്ച് സംസാരിച്ചിട്ടു കാര്യമുണ്ടെന്നു തോന്നുന്നില്ല, ഞങ്ങള്‍ രണ്ടുപേരും മാറി നിന്ന് സിനിമ ചെയ്തപ്പോഴും രണ്ടുപേര്‍ക്കും നല്ലത് മാത്രമേ ഉണ്ടായിട്ടുള്ളൂ’.-സിദ്ധിഖ് പറയുന്നു.

‘ഞങ്ങളുടെ വേര്‍പിരിയലിന്റെ കാരണം തുറന്നു പറഞ്ഞാല്‍ അത് കേള്‍ക്കുന്ന ഞങ്ങള്‍ക്കോ നിങ്ങള്‍ക്കോ യാതൊരു ഗുണവും ഉണ്ടാകാന്‍ പോകുന്നില്ല, അങ്ങനെ ആര്‍ക്കും ഗുണമില്ലാത്ത, ചിലപ്പോള്‍ തുറന്നു പറഞ്ഞാല്‍ ആരെയെങ്കിലെയും വേദനിപ്പിക്കാവുന്ന ഒരു കാര്യം ഇനി തുറന്നു പറഞ്ഞിട്ടെന്തിനാണ്- ലാലും വ്യക്തമാക്കുന്നു’.