എന്റെ മെഴുതിരി അത്താഴങ്ങളിലെ പ്രണയ ഗാനം ആസ്വാദകരിലേയ്ക്ക്.. ഒരു പാര്‍വയില്‍ എന്ന് തുടങ്ങുന്ന മനോഹര ഗാനം ആസ്വാദകര്‍ക്കായി സമ്മാനിക്കുന്നത് മലയാളികളുടെ പ്രണയ നായകന്‍ കുഞ്ചാക്കോ ബോബനാണ്. നാളെ രാവിലെ തന്റെ ഫേസ്ബുക്ക് പേജിലൂടെ കുഞ്ചാക്കോ ബോബന്‍ റിലീസ് ചെയ്യുന്നു.
വിജയ്‌ യേശുദാസ് പാടിയ ഒരു പാര്‍വയില്‍ എന്ന ഗാനത്തിന്റെ വരികള്‍ രചിച്ചിരിക്കുന്നത് സിയന്‍ ശ്രീകാന്ത്. ഗാനത്തിന്റെ മ്യൂസിക് ട്രിബ്യുട്ട് ടു ആള്‍ ലെജന്റ്സ്…
നാല് വര്‍ഷത്തെ ഇടവേളയ്ക്ക് ശേഷം അനൂപ് മേനോന്‍ തിരക്കഥ ഒരുക്കുന്ന ചിത്രമാണ് എന്റെ മെഴുതിരി അത്താഴങ്ങള്‍. ആമിയ്ക്ക് ശേഷം അനൂപ് മേനോന്‍ അഭിനയിക്കുന്ന ഈ ചിത്രത്തില്‍ നായിക മിയയാണ്. നവാഗതനായ സൂരജ് ടോമാണ് ഈ ചിത്രം സംവിധാനം ചെയ്തിരിക്കുന്നത്. ചിത്രം ജൂലൈ 27നു റിലീസ് ചെയ്യുകയാണ്. ചിത്രത്തിന്‍റെ നീല നീല വാനിലോ, മറയത്തൊളി കണ്ണാല്‍… എന്നീ ഗാനങ്ങള്‍ ഹിറ്റായിരുന്നു. എം.ജയചന്ദ്രനാണ് ചിത്രത്തിനു വേണ്ടി സംഗീതമൊരുക്കുന്നത്.
അലന്‍സിയര്‍, ബൈജു, സംവിധായകരായ ലാല്‍ ജോസ്, ശ്യാമപ്രസാദ്, ദിലീഷ് പോത്തന്‍, തുടങ്ങിയവരും ചിത്രത്തില്‍ പ്രധാന വേഷങ്ങളില്‍ എത്തുന്നുണ്ട്.
Post Your Comments