കുറച്ചു നാളത്തെ ഇടവേളയ്ക്ക് ശേഷമാണ് ഒരു മോഹന്‍ലാല്‍ ചിത്രം ബിഗ്സ്ക്രീനിലേക്ക് എത്തുന്നത്. അജോയ് വര്‍മ്മ സംവിധാനം ചെയ്ത നീരാളിയാണ് ഇന്ന് പ്രദര്‍ശനത്തിനെത്തിയ താര രാജാവിന്റെ ചിത്രം. ചിത്രം കണ്ടിറങ്ങിയ പ്രേക്ഷകര്‍ മികച്ച അഭിപ്രായമാണ് പങ്കുവെയ്ക്കുന്നത്.
വ്യത്യസ്ത ജോണറിലുള്ള ചിത്രം എല്ലാ പ്രേക്ഷകരെയും തൃപ്തിപ്പെടുത്തുന്നുവെന്നാണ് ആദ്യ പ്രതികരണം സൂചിപ്പിക്കുന്നത്.175-ഓളം കേന്ദ്രങ്ങളില്‍ പ്രദര്‍ശനത്തിനെത്തിയചിത്രം ആരാധകരുടെ ആഘോഷ ആരവങ്ങളോടെയാണ് സ്വീകരിക്കപ്പെട്ടത്.
തലസ്ഥാനമടക്കം നിരവധി കേന്ദ്രങ്ങളില്‍ പുലര്‍ച്ചെ തന്നെ ഫാന്‍സ്‌ ഷോ ആരംഭിച്ചിരുന്നു. നദിയ മൊയ്തു മോഹന്‍ലാലിന്റെ നായികയായി എത്തുന്ന ചിത്രത്തില്‍ സുരാജ് വെഞ്ഞാറമൂട് മറ്റൊരു പ്രധാന കഥാപാത്രത്തെ അവതരിപ്പിച്ചിരിക്കുന്നു.
സാജു തോമസ്‌ രചന നിര്‍വഹിച്ചിരിക്കുന്ന ചിത്രം നിര്‍മ്മിച്ചിരിക്കുന്നത് സന്തോഷ്‌ കുരുവിള, പ്രവീണ്‍, മിബു ജോസ് എന്നിവര്‍ ചേര്‍ന്നാണ്.ചിത്രം ബോക്സോഫീസ്‌ കീഴടക്കി കഴിഞ്ഞിരിക്കുന്നു എന്നതാണ് ആദ്യ പ്രതികരണം സൂചിപ്പിക്കുന്നത്.
Post Your Comments