ഇന്ത്യയില്‍ ഏറ്റവുമധികം ആരാധകരുള്ള താരമാണ് സണ്ണി ലിയോണ്‍. ബോളിവുഡിലെ ഈ ചൂടന്‍ നടി ഇപ്പോള്‍ മുഖ്യ ധാര ചിത്രങ്ങളുടെ ഭാഗമായി മാറിക്കഴിഞ്ഞു. ഒരു പരമ്പരാഗത സിഖ് കുടുംബത്തില്‍ ജനിച്ച കരേണ്‍ജിത് സണ്ണി ലിയോണ്‍ ആയതെങ്ങനെ എന്ന് വെളിപ്പെടുത്തുന്ന വെബ് സീരീസ് ‘ കരേണ്‍ജിത് കൗര്‍- ദ അണ്‍ടോള്‍ഡ് സ്‌റ്റോറി”ക്കായി ജീവിതത്തിലെ എല്ലാ സംഭവങ്ങളും തുറന്ന് പറയുമെന്ന് സണ്ണി ലിയോണ്‍ വ്യക്തമാക്കുന്നു.
”ലോകത്തോട് എന്റെ കഥ പറയുന്നത് സത്യസന്ധമായി തന്നെ വേണം. അതുകൊണ്ടാണ് എല്ലാം വെളിപ്പെടുത്താം എന്ന് തീരുമാനിച്ചത്. പക്ഷേ ചെറിയ ടെന്‍ഷന്‍ ഉണ്ടെന്നും ” സണ്ണി ഒരു അഭിമുഖത്തില്‍ വെളിപ്പെടുത്തി. ഇഷ്ടമുള്ളത് പറയാനും ചെയ്യാനും പ്രവര്‍ത്തിക്കാനുമെല്ലാം ഉള്ള അവകാശം ഓരോ വ്യക്തിക്കും ഉണ്ട്. അത് ശരിയാണോ തെറ്റാണോ എന്ന് തീരുമാനിക്കുന്നത് അവരുടെ മനഃസാക്ഷിയാണെന്നും അവര്‍ പറഞ്ഞു.
വെബ്‌സീരീസ് ഇതുവരെ ഇരുപത് എപ്പിസോഡുകള്‍ ചിത്രീകരിച്ചു കഴിഞ്ഞതായും അവര്‍ പറഞ്ഞു. ഈ മാസം പതിനാറാം തിയതി മുതലാണ് വെബ് സീരീസ് സംപ്രേഷണം ആരംഭിക്കുന്നത്.
Post Your Comments