മോഹന്‍ലാലിന്‍റെ കരിയറിലെ എക്കാലത്തെയും മികച്ച ഹിറ്റുകളില്‍ ഒന്നാണ് കെ. മധു സംവിധാനം ചെയ്ത ‘ഇരുപതാം നൂറ്റാണ്ട്.’ അന്നത്തെ കാലഘട്ടത്തിലെ ഏറ്റവും സ്റ്റൈലിഷ് സിനിമകളില്‍ ഒന്നായിരുന്നു ഇരുപതാം നൂറ്റാണ്ട്. മോഹന്‍ലാലിനൊപ്പം, സുരേഷ് ഗോപി, അംബിക തുടങ്ങിയ മികച്ച അഭിനേതാക്കളും ഇരുപതാം നൂറ്റാണ്ടിന്റെ ഭാഗമായിരുന്നു. അമൃത ടിവി സംപ്രേഷണം ചെയ്യുന്ന ലാല്‍സലാം എന്ന ഷോയില്‍ ഇരുപതാം നൂറ്റാണ്ട് എന്ന ചിത്രത്തെക്കുറിച്ചുള്ള ഓര്‍മ്മകളാണ് പങ്കുവച്ചത്.
ഇന്റര്‍നെറ്റില്‍ ഏറ്റവും കൂടുതല്‍ ആളുകള്‍ ചര്‍ച്ച ചെയ്യപ്പെട്ട രംഗം ഇരുപതാം നൂറ്റാണ്ടിലെതാണെന്ന് പ്രോഗ്രാമിനിടെ നടി അംബിക പറഞ്ഞു, ചിത്രത്തില്‍ താനും ലാലേട്ടനും ലിഫ്റ്റില്‍ കണ്ടുമുട്ടുന്ന രംഗം ഇന്നും സോഷ്യല്‍ മീഡിയകളില്‍ തരംഗമാണെന്നും അംബിക അഭിപ്രായപ്പെടുന്നു.
സാറിന്റെ ജോലിയെന്താണെന്ന്?അംബിക മോഹന്‍ലാലിനോട് ചോദിക്കുന്നതും തിരിച്ച് മാസ് സ്റ്റൈലില്‍ ജാക്കി മറുപടി നല്‍കുന്നതും പ്രേക്ഷകരെ അന്നേ ആകര്‍ഷിരുന്നു.
അങ്ങനെയൊക്കെയുള്ള സീനുകള്‍ എഴുതുമ്പോള്‍ ഇത്രത്തോളം മനോഹരമാകുമെന്നു കരുതിയില്ലെന്ന് ചിത്രത്തിന്റെ തിരക്കഥാകൃത്ത് എസ്.എന്‍ സ്വാമിയും വ്യക്തമാക്കി. കഴിവുള്ള ആര്‍ട്ടിസ്റ്റുകള്‍ തന്നെയാണ് അത്തരം രംഗങ്ങളെ ബില്ല്യന്‍സ് ആക്കി മാറ്റുന്നതെന്നും ലാല്‍ ഷോയില്‍ അദ്ദേഹം പങ്കുവച്ചു.
Post Your Comments