കൊച്ചി: ചുരുങ്ങിയ കാലയളവിനുള്ളില്‍ മലയാളികളുടെ പ്രിയതാരമായി മാറിയ നടനാണ് ടോവിനോ തോമസ്. അണിയറയില്‍ ഒരുങ്ങുന്ന ഒരു പിടി ചിത്രങ്ങളും തിയേറ്ററില്‍ ഹിറ്റ് ചാര്‍ട്ടില്‍ ഇടം നേടിയവയുമായി ടോവിനോ ജൈത്രയാത്ര തുടരുന്നതിനിടെ പുതിയതായി വരുന്ന വാര്‍ത്ത ആരാധകരെ ആവേശം കൊള്ളിച്ചിരിക്കുകയാണ്. വ്യത്യസഥമായ പല വേഷങ്ങളും ടോവിനോ അവതരിപ്പിച്ചെങ്കിലും വെള്ളിത്തിരയില്‍ ഇനി വരുന്ന കഥാപാത്രം വഴി ടോവിനോ സിനിമ സംവിധായകന്റെ ജീവിതമാണ് അവതരിപ്പിക്കുന്നത്.
സലീം അഹമ്മദ് സംവിധാനം ചെയ്യുന്ന ചിത്രത്തിലാണ് ടോവിനോ കഥാപാത്രം സംവിധായകനായി എത്തുന്നത്. ആദാമിന്റെ മകന്‍ അബു, പത്തേമാരി എന്നീ ഹിറ്റ് ചിത്രങ്ങളിലൂടെ ശ്രദ്ധേയനായ സംവിധായകനാണ് സലിം അഹമ്മദ്. സിനിമ സംവിധായകരുടെ ജീവിത കഥ പറയുന്ന ചിത്രത്തില്‍ അനു സിത്താര ടോവിനോയുടെ നായികയായെത്തുമെന്നാണ് റിപ്പോര്‍ട്ടുകള്‍.
Post Your Comments