ബോളിവുഡ് താരമായ സഞ്ജയ് ദത്തിന്റെ ജീവിതം അടിസ്ഥാനമാക്കി നിര്‍മ്മിച്ച ചിത്രം സഞ്ജു പ്രേക്ഷക ഹൃദയം കീഴടക്കുമ്പോള്‍ അഭിപ്രായവുമായി സാക്ഷാല്‍ സഞ്ജയ് ദത്ത് രംഗത്ത്. രണ്‍ബീര്‍ കപൂര്‍ സഞ്ജയ് ദത്തായി വരുന്ന ചിത്രം രാജ്കൂമാര്‍ ഹിരാനിയാണ് സംവിധാനം ചെയ്തിരിക്കുന്നത്. സിനിമയെ പറ്റി വളരെ മികച്ച അഭിപ്രായമാണ് ലഭിക്കുന്നത്. സാഹേബ് ബീവി ഓര്‍ ഗ്യാങ്‌സറ്റര്‍ 3 എന്ന സിനിമയുടെ ട്രെയ്‌ലര്‍ റിലീസിനിടെയാണ് സഞ്ജയ് ദത്ത് തന്റെ അഭിപ്രായം തുറന്ന് പറഞ്ഞത്.
സ്‌ക്രീനില്‍ കാണിച്ചിരിക്കുന്ന എല്ലാം സത്യമാണെന്നും ചിത്രത്തില്‍ മികച്ച പ്രകടനമാണ് രണ്‍ബീര്‍ കാഴ്ച്ചവെച്ചിരിക്കുന്നത് എന്നും സഞ്ജയ് ദത്ത് തുറന്ന് പറഞ്ഞു. റിലീസ്‌ ദിവസം തന്നെ ചിത്രം ഇന്റര്‍നെറ്റില്‍ പ്രചരിച്ചത് ഏറെ വിവാദമുയര്‍ത്തി. ഇതിനിടെ സിനിമയിലെ ടോയ്‌ലറ്റ് രംഗം വെട്ടി മാറ്റണമെന്ന് സെന്‍സര്‍ ബോര്‍ഡില്‍ നിന്നും മുന്നറിയിപ്പ് വന്നിരുന്നു.
Post Your Comments