ഒട്ടേറെ മികവുറ്റ കലാകാരന്‍മാര്‍ക്കൊപ്പം വര്‍ക്ക് ചെയ്ത നടിയാണ് മീരജാസ്മിന്‍. ലോഹിത ദാസിന്റെ സൂത്രാധാരന്‍ എന്ന സിനിമയിലൂടെ രംഗത്തെത്തിയ മീര സത്യന്‍ അന്തിക്കാട് ഉള്‍പ്പടെയുള്ള പ്രമുഖ സംവിധായകര്‍ക്കൊപ്പം പ്രവര്‍ത്തിച്ചു. പ്രേക്ഷകര്‍ക്കിടയില്‍ മീരയ്ക്ക് വലിയ ഒരു ഇമേജ് നല്‍കിയത് സത്യന്‍ അന്തിക്കാട് ചിത്രങ്ങളാണ്.
തന്റെ കരിയറില്‍ ഏറ്റവും മികച്ച കഥാപാത്രങ്ങള്‍ നല്‍കിയ സത്യന്‍ അന്തിക്കാടിനെ കുറിച്ച് മീര ജാസ്മിന്‍ പറയുന്നതിങ്ങനെ
“ഏതൊരു സംവിധായകനും അദ്ദേഹത്തെ കണ്ടു പഠിക്കണം, ഒരു ആക്ടറിൽ നിന്നും അവരുടെ 100% ഔട്ട്പുട്ട് ലഭിക്കാൻ ആദ്ദേഹം ഒരോരുത്തരെയും പ്രോത്സാഹിപ്പിക്കാൻ കാട്ടുന്ന മനസ്സ് മലയാളത്തിലെന്നല്ല മറ്റൊരു ഇൻഡസ്ട്രിയിലെ സംവിധായകന്മാർക്കും കഴിയില്ല, ആർട്ടിസ്റ്റിനു പ്രധാനനമായും വേണ്ട ത് സ്വാതന്ത്ര്യമാണ്, അത് അത് നൽകാൻ അദ്ദേഹത്തിന് കഴിഞ്ഞിട്ടുണ്ട്, വേറെയൊരു സംവിധായകനിലും ഇങ്ങനെയൊരു വ്യക്തി വൈഭവം കാണാൻ കഴിഞ്ഞിട്ടില്ല. അദ്ദേഹത്തിന്റെ അമിത ലാളന എനിക്ക് ഒരിക്കലും ദോഷകരമായി ഭവിച്ചിട്ടില്ല, അമിത ലാളന എന്ന് പറയുമ്പോൾ എല്ലാവരും അത് നെഗറ്റീവ് ആയി മാത്രമേ കാണുകയുള്ളൂ, ഇപ്പോൾ ഞാൻ മൂഡ്‌ഓഫായി ഇരുന്നാൽ അദ്ദേഹം സെറ്റിൽ ഉള്ളവരോടെല്ലാം പറയും ‘ദേ മീരയെ എല്ലാവരും ഒന്ന് ചിരിപ്പിച്ചേ’ അത്തരത്തിൽ എന്നെ ഒരുപാട് സഹായിച്ചിട്ടുണ്ട്, ഓരോ കഥാപാത്രങ്ങൾ മികവുറ്റതാവനും അതു തന്നെയാണ്‌ കാരണം”. ഒരു അഭിമുഖത്തില്‍ സംസാരിക്കവേ മീര വ്യക്തമാക്കി.
Post Your Comments