അര്‍ബുദ രോഗത്തെ തുടര്‍ന്ന് ചികിത്സയില്‍ കഴിയുകയാണ് ആരാധകരുടെ പ്രിയ താരം ഇര്‍ഫാന്‍ ഖാന്‍. അദ്ദേഹത്തിനും കുടുംബത്തിനും കൈത്താങ്ങായി ബോളിവുഡ് സൂപ്പര്‍താരം ഷാരുഖ് ഖാന്‍. വിദേശത്തു ചികിത്സയ്ക്കായി പുറപ്പെടുന്നതിനും ഒരു ദിവസം മുമ്പ് ഇർഫാൻ ഖാന്റെ ഭാര്യ വിവരമറിയച്ചതിനെ തുടർന്നു സുഹ‍ൃത്തിനെ കാണാൻ ഷാരുഖ് എത്തുകയും ഒരു മണിക്കൂറില്‍ അധികം അദ്ദേഹത്തിനൊപ്പം ചിലവഴിക്കുകയും ചെയ്തു. കൂടാതെ തന്റെ ലണ്ടനിലെ വീടിന്റെ താക്കോല്‍ ഇര്‍ഫാന്റെ കുടുംബത്തെ ഏല്‍പ്പിക്കുകയും ചെയ്തു.
താൻ രോഗത്തോടു പൊരുതുകയാണെന്നും ലണ്ടനിലെ ആശുപത്രിയിലാണെന്നും അറിയിച്ച് അരാധകർക്ക് ഹ‍ൃദയസ്പർശിയായ കുറിപ്പ് ഇര്‍ഫാന്‍ കഴിഞ്ഞ ദിവസം പങ്കുവച്ചിരുന്നു ന്യൂറോഎൻഡോക്രൻ എന്ന അപൂർവമായ അർബുദത്തിനു ചികിത്സയിലുള്ള ഇർഫാൻഖാന്റെ ആരോഗ്യ നിലയെക്കുറിച്ചു കൂടുതൽ വിവരങ്ങൾ അറിവായിട്ടില്ല.
Post Your Comments