യുവ താരങ്ങളില്‍ ഏറെ ശ്രദ്ധേയനായ ടോവിനോ നല്ല സിനിമകളുടെ തെരെഞ്ഞെടുപ്പിലൂടെ എന്നും കയ്യടി നേടാറുണ്ട്. പുകവലി വിഷയം പ്രമേയമാക്കി പറയുന്ന ടോവിനോയുടെ പുതിയ ചിത്രമാണ്‌ തീവണ്ടി. പുകവലി ദുശീലമുള്ള ബിനീഷ് ദാമാദരന്‍ എന്ന കഥാപാത്രത്തെയാണ് ടോവിനോ ചിത്രത്തില്‍ അവതരിപ്പിക്കുന്നത്. കഴിഞ്ഞ ദിവസം ചിത്രത്തിന്‍റെ ട്രെയിലര്‍ പുറത്തിറങ്ങി.
ഫെല്ലിനി ടിപി സംവിധാനം ചെയ്തിരിക്കുന്ന ചിത്രത്തിന്‍റെ തിരക്കഥ വിനി വിശ്വലാലിന്‍റെതാണ്. ആഗസ്റ്റ് സിനിമാസ് ആണ് ചിത്രം നിര്‍മ്മിച്ചിരിക്കുന്നത്, ഈ വെള്ളിയാഴ്ച ചിത്രം പ്രദര്‍ശനത്തിനെത്തും. ടോവിനോയ്ക്ക് പുറമേ സുരാജ് വെഞ്ഞാറമൂട്, സംയുക്ത മേനോന്‍, സുധീര കരമന തുടങ്ങിയ ഒട്ടേറെ താരനിര ചിത്രത്തിലുണ്ടാകും.
Post Your Comments